కవితకు బెయిల్.. బీఆర్ఎస్ లో జోష్..ఇకపై రంగంలోకి కేసీఆర్!
తెలంగాణ రాష్ట్రంలో గత ఎన్నికల ఫలితాల తర్వాత దెబ్బతిన్న బీఆర్ఎస్ పార్టీ కవిత అరెస్టుతో పూర్తిగా కుదేలైంది. కవిత అరెస్టుతో పార్టీ శ్రేణుల్లో అభద్రత భావం పెరిగి చాలామంది బిఆర్ఎస్ పార్టీకి రాజీనామా చేసి కాంగ్రెస్, బిజెపిలలో చేరారు. మార్చి నెల నుంచి ఢిల్లీ లిక్కర్ కుంభకోణంలో అరెస్టు అయిన కవిత ఈడి, సిబిఐ కేసులలో చిక్కుకొని ఇంతకాలం తీహార్ జైల్లో నరకం అనుభవించారు.
కవిత అరెస్ట్ తో కుదేలైన బీఆర్ఎస్
ఇక తాజాగా నేడు కవితకు బెయిల్ రావడంతో బిఆర్ఎస్ పార్టీకి జవసత్వాలు వచ్చినట్టయ్యింది. ఎమ్మెల్సీ కవిత అరెస్టు తర్వాత తెలంగాణ రాష్ట్రంలో బీఆర్ఎస్ పార్టీ దారుణంగా దెబ్బతింది. కవిత అరెస్టు తర్వాత జరిగిన లోక్సభ ఎన్నికలలో బీఆర్ఎస్ పరువు పోగొట్టుకుంది. ఢిల్లీ లిక్కర్ కుంభకోణం లో కవిత ఉండటమే తెలంగాణ రాష్ట్రంలో కెసిఆర్ పార్టీకి పెద్ద మైనస్ గా మారింది.
కవిత బయటకు వచ్చాకే కేసీఆర్ అసలు రాజకీయం
ఈ క్రమంలో కేసీఆర్ కూడా పెద్దగా ప్రజల్లోకి రావడానికి ఆసక్తి చూపించలేదు. అడపాదడపా బయటకు వచ్చి కొన్ని సమస్యల పైన ప్రభుత్వాన్ని ప్రశ్నించారే తప్ప ప్రజాక్షేత్రంలో తిరిగి ప్రజల మద్దతు కోసం కూడా ప్రయత్నించలేదు. పార్టీ నుండి బయటకు వెళ్లే వాళ్లను ఆపనూ లేదు. కవిత బెయిల్ పై బయటకు వచ్చిన తర్వాత కేసీఆర్ అసలు రాజకీయం మొదలు పెడతారని చర్చ జరిగింది.
సమరానికి సిద్ధంగా కేసీఆర్
తెలంగాణలో అధికారంలో ఉన్న కాంగ్రెస్ ను, కేంద్రంలో అధికారంలో ఉన్న బిజెపిని టార్గెట్ చేయాలని భావించిన కేసీఆర్ ఇప్పుడు రంగంలోకి దిగుతారని పార్టీ శ్రేణుల్లో చర్చ జరుగుతుంది. బిడ్డ జైలులో ఉంటే తన గుండెల్లో అగ్నిపర్వతం బద్దలవుతోందని అయినా ఓపికగా ఎదురుచూస్తున్నానని చెప్పిన కేసీఆర్ ఇప్పుడు తెలంగాణ రాష్ట్రంలో అధికార కాంగ్రెస్ పైన, దేశంలో అధికారంలో ఉన్న ఎన్డీఏ సర్కార్ పైన సమర శంఖాన్ని పూరిస్తారని భావిస్తున్నారు.
పార్టీ శ్రేణుల్లో జోష్
ఆరు నెలల 11 రోజులు తీహార్ జైల్లో ఉన్న కవిత మొత్తం 153 రోజులు జైలు జీవితాన్ని అనుభవించి బెయిల్ పైన బయటకు వస్తున్నారు. ఇక కవిత రాక కెసిఆర్ కు, బిఆర్ఎస్ పార్టీకి బిగ్ రిలీఫ్. మళ్లీ కవిత ఎంట్రీ తో కేసీఆర్ తన రాజకీయ చతురతకు పదును పెడతారని పార్టీ శ్రేణులలో నూతన ఉత్సాహం కనిపిస్తుంది.
Click it and Unblock the Notifications
Sign in with Google