పాల డబ్బాల స్కూటర్ పై మాజీమంత్రి మల్లారెడ్డి షాకింగ్ పని.. వీడియో వైరల్!

మాజీ మంత్రి మల్లారెడ్డి ఏం చేసినా సంచలనమే. ఆయన ఏం మాట్లాడినా విస్ఫోటనమే.. ఆయన జీవితం పైన ఇప్పటికీ తెలంగాణ రాష్ట్రంలోని జనాలకు విపరీతమైన ఆసక్తి ఉంటుంది. పాలమ్మినా..పూలమ్మినా.. అంటూ ఆయన జీవితం గురించి ఆయన చెప్పిన డైలాగ్ సోషల్ మీడియాలో తెగ వైరల్ అయిన విషయం తెలిసిందే. ఇక అటువంటి మల్లారెడ్డి మంత్రిగా ఉన్నప్పుడు హల్చల్ చేయడమే కాదు ఇప్పుడు అధికారంలో లేని సమయంలో కూడా హల్చల్ చేస్తున్నారు.

పాలబండిపై మల్లారెడ్డి సందడి
తనదైన శైలిలో ప్రజలలోకి వెళుతూ దూసుకుపోతున్నారు. తాజాగా మళ్లీ మాజీ మంత్రి మల్లారెడ్డి పాల బండి పైన కనిపించారు. ఈరోజు మేడ్చల్ జిల్లా బోడుప్పల్ లో ఒక కార్యక్రమానికి వెళ్లిన మల్లారెడ్డి అక్కడ సందడి చేశారు. పాల డబ్బాతో కనిపించిన ఒక స్కూటర్ ను చూసిన ఆయన చటుకున స్కూటర్ పైన ఎక్కి కూర్చున్నారు. ఇక ఆ పాల బండిని చూసి తాను పాలు అమ్మిన రోజులను మాజీ మంత్రి మల్లారెడ్డి గుర్తు చేసుకున్నారు.

ఫోటోలకు ఫోజులిచ్చిన మల్లారెడ్డి

ఇక పాల బండి పైన ఫోటోలకు చకచకా ఫోజులిస్తూ సందడి చేశారు మాజీ మంత్రి మల్లారెడ్డి. పాల బండి ఎక్కి చేసిన సందడి కి సంబంధించిన వీడియోలు ఇప్పుడు సోషల్ మీడియాలో హల్చల్ చేస్తున్నాయి. ఒకప్పుడు తాను కూడా స్కూటర్ పైనే పాల వ్యాపారం చేసే వాడిని అని గుర్తు చేసుకున్న మల్లారెడ్డి మళ్లీ మరోమారు పాల బండి పై పాలు అమ్ముతూ సందడి చేశారు.

స్కూటర్ పై పాలు అమ్ముతూ సందడి చేసిన మాజీ మంత్రి మల్లారెడ్డి

మేడ్చల్ జిల్లా - బోడుప్పల్లో స్కూటర్ పై పాలు అమ్ముతు సందడి చేసిన మాజీ మంత్రి మల్లారెడ్డి

ఓ కార్యక్రమానికి వెళ్లిన ఆయన అక్కడ తనకు పాల డబ్బాతో కనిపించిన స్కూటర్ పై ఎక్కి కూర్చొని.. ఒకప్పుడు తాను కూడా స్కూటర్ పైనే పాల… pic.twitter.com/1oflx6oiMf

— Telugu Scribe (@TeluguScribe) February 16, 2025

సోషల్ మీడియాలో పాలబండిపై మల్లారెడ్డి వీడియో వైరల్
ప్రస్తుతం మంత్రి మల్లారెడ్డి పాల బండి వీడియో సోషల్ మీడియాలో వైరల్ అవుతుంది. ఇక పాలు అమ్మే వ్యక్తిని శాలువాతో సత్కరించిన మల్లారెడ్డి కష్టపడి పైకి రావాలని తన అభిమతాన్ని తన చర్యల ద్వారా తెలియజేశారు. గతంలో మల్లారెడ్డి స్కూటర్ పై పాలమ్మే స్థాయి నుంచి ఎన్నో విద్యాసంస్థలు, వ్యాపారాలతో ఉన్నత స్థాయికి చేరుకున్నానని తనదైన శైలిలో డైలాగ్స్ చెప్పారు.

సరదా మనిషి మాజీమంత్రి మల్లారెడ్డి
పాలమ్మినా.. పూలమ్మిన అంటూ మల్లారెడ్డి అప్పుడు తనదైన శైలిలో చెప్పిన డైలాగ్ ఇప్పటికీ చాలామందికి గుర్తుండిపోయింది. ఇక అధికారంలో ఉన్నప్పుడే కాదు అధికారంలో లేనప్పుడు కూడా సరదా మనిషి అయిన మల్లారెడ్డి ఎక్కడికి వెళ్ళినా తనదైన శైలిలో హల్చల్ చేస్తూ కనిపిస్తూ ఉండడం గమనార్హం.

English summary

Ex Minister Mallareddy halchal on milk scooter in boduppal. videos viral in social media. Ex minister mallareddy reminded those days that he did milk business.