పోలీసు కొలువుల జాతర: 18వేల ఉద్యోగాలకు నోటిఫికేషన్ విడుదల
హైదరాబాద్: తెలంగాణ ప్రభుత్వం రాష్ట్రంలోని నిరుద్యోగులకు గురువారం తీపి కబురు అందించింది. తెలంగాణ పోలీస్ శాఖలో భారీ సంఖ్యలో ఖాళీల భర్తీకి నోటిఫికేషన్ విడుదల చేసింది.
18,428పోస్టుల భర్తీకి తెలంగాణ పోలీస్ రిక్రూట్మెంట్ బోర్డు ఈ నోటిఫికేషన్ విడుదల చేసింది. వీటిలో 1,217 సబ్ ఇన్స్పెక్టర్ పోస్టులు, 16,767 కానిస్టేబుల్ పోస్టులు ఉన్నాయి.
168- ఫైర్మెన్, 221- జైలు వార్డెన్స్, 739 ఎస్సై, 26-ఏఎస్సై, 471-ఆర్ఎస్సై, 19-స్టేషన్ ఫైర్ ఆఫీసర్, 15-డిప్యూటీ జైలర్, 02-అసిస్టెంట్ మ్యాట్రన్ పోస్టులు ఉన్నాయి. జూన్ 9 నుంచి 30వ తేదీ వరకు ఆన్లైన్లో దరఖాస్తులు స్వీకరించనున్నారు.
తెలంగాణ ప్రభుత్వం ఏర్పడి నాలుగేళ్లు కావడం, రాష్ట్ర అవతరణ దినోతవ్సవ వేడుకలు దగ్గరపడుతుండటంతో ఈ నోటిఫికేషన్ విడుదల చేసినట్లు తెలుస్తోంది. 4నోటిఫికేషన్ల ద్వారా పోలీసు శాఖ ఈ పోస్టులను భర్తీ చేస్తోంది.