చర్లపల్లి నుంచి చెన్నైకు ప్రత్యేక రైళ్లు: ఆగే స్టేషన్లు, టైమింగ్స్..!!

Updated: Tuesday, November 3, 2026, 10:13 [IST]

రైల్వే శాఖ కీలక నిర్ణయం తీసుకుంది. దీపావళి రద్దీ వేళ ప్రత్యేక రైళ్లను ప్రకటించింది. చర్లపల్లి నుంచి చెన్నైకు ఈ రైళ్లు నడవనున్నాయి. రెగ్యులర్ రైళ్లలో భారీగా వెయిటింగ్ లిస్టు పెరగటంతో పండుగ ప్రయాణీకుల కోసం ఈ నిర్ణయం తీసుకున్నట్లు వెల్లడించారు. ఈ ప్రత్యేక రైళ్లు ఇరు మార్గాల్లోనూ తెలంగాణ, ఏపీలోని ముఖ్యమైన స్టేషన్లలో ఆగుతాయని రైల్వే అధికారులు తెలిపారు
ఈ రైళ్లు ప్రయాణంచే రూట్ తో పాటుగా టైమింగ్స్ ను ప్రకటించారు.

పూజా ఫెస్టివల్‌ను పురస్కరించుకొని చర్లపల్లి-చెన్నై మార్గంలో రెండు ప్రత్యేక రైళ్లు ఏర్పాటు చేసినట్లు దక్షిణ మధ్య రైల్వే ప్రకటించింది. 6, 7 తేదీల్లో ఈ పండుగ ప్రత్యేక రైళ్లు ప్రయాణీకుల కు అందుబాట్‌లో ఉంటాయి. 07059 చర్లపల్లి - చెన్నై సెంట్రల్ రైలు 06.11.2026 రాత్రి 9:30 గంటలకు చర్లపల్లి నుంచి బయల్దేరుతుంది. మరుసటి రోజు ఉదయం 11:15 గంటలకు చెన్నై చేరుకుంటుంది. 07060 చెన్నై సెంట్రల్ - చర్లపల్లి ట్రైన్ 07.11.2026న మధ్యాహ్నం 12:40 గంటలకు చెన్నై నుంచి బయల్దేరి.. మరుసటి రోజు తెల్లవారుజామున 04:30 గంటలకు చర్లపల్లి చేరుకుంటుంది. నల్గొండ, మిర్యాలగూడ, ఆంధ్రప్రదేశ్‌లో గుంటూరు, తెనాలి, బాపట్ల, చీరాల, ఒంగోలు, నెల్లూరు, గూడూరులో ఆగుతుంది. ఈ పూజా ప్రత్యేక రైళ్లలో ప్రయాణికులకు అనువుగా స్లీపర్ క్లాస్, జనరల్ సెకండ్ క్లాస్ కోచ్‌లను అందుబాటులో ఉంచారు.

దీపావళి రద్దీ వేళ ప్రత్యేక రైళ్లు

కాగా, ఇప్పటికే దీపావళి కోసం దక్షిణ మధ్య రైల్వే మొత్తం 22 ప్రత్యేక రైళ్లను ప్రకటించింది. చెన్నై సెంట్రల్, కోయంబత్తూరులోని పోదనూర్ మధ్య ప్రత్యేక రైళ్లను ప్రకటించింది. చెన్నై సెంట్రల్-పోదనూర్ స్పెషల్ (06023) రైలు నవంబర్ 6వ తేదీ రాత్రి 11:55 గంటలకు చెన్నై సెంట్రల్ నుండి బయలుదేరి, మరుసటి రోజు ఉదయం 9:15 గంటలకు కోయంబత్తూరులోని పోదనూర్ జంక్షన్‌కు చేరుకుంటుంది. తిరుగు ప్రయాణంలో పోదనూర్-చెన్నై సెంట్రల్ స్పెషల్ (06024) నవంబర్ 9వ తేదీ రాత్రి 11:30 గంటలకు పోదనూర్ నుండి బయలుదేరి, మరుసటి రోజు ఉదయం 9:35 గంటలకు చెన్నై సెంట్రల్ చేరుకుంటుంది. ఈ ప్రత్యేక రైళ్లను పెరంబూర్, తిరువళ్లూరు, అరక్కోణం, కాట్పాడి, జోలార్‌పేట, సేలం, ఈరోడ్, తిరుప్పూర్ మీదుగా నడుపుతారు.