ఎమర్జెన్సీ విమర్శల వేళ సజ్జనార్ సంచలన ట్వీట్..!

నల్గొండ జిల్లాకు చెందిన మంత్రి కోమటిరెడ్డి వెంకటరెడ్డికీ, స్థానికంగా పనిచేసిన ఐఏఎస్ అధికారికీ మధ్య లింకులు ఉన్నాయంటూ కథనాలు ప్రసారం చేసిన కేసులో ఎన్టీవీ జర్నలిస్టుల్ని సంక్రాంతి వేళ పోలీసులు అదుపులోకి తీసుకోవడం చర్చనీయాంశంగా మారింది. ఈ నేపథ్యంలో ఇవాళ మీడియా ముందుకు వచ్చిన హైదరాబాద్ సీపీ వీసీ సజ్జనార్ తమ చర్యల్ని సమర్ధించుకున్నారు. మహిళా అధికారుల్ని అవమానించినందుకే తాము ఇలా చేయాల్సి వచ్చిందన్నారు. రాష్ట్రంలో ఎమర్జెన్సీ పాలన విమర్శల్ని తోసిపుచ్చారు.

అనంతరం సజ్జనార్ ఎక్స్ లో మహిళల గౌరవాన్ని గుర్తుచేస్తూ ఓ ట్వీట్ చేశారు. ఇందులో "విమర్శలు, పరిశీలనలు ప్రజా జీవితంలో భాగం. కానీ ఏ స్త్రీనైనా - ఆమె ప్రభుత్వ ఉద్యోగి అయినా, ప్రైవేట్ రంగంలో నిపుణురాలైనా, లేదా గృహిణి అయినా - పదాలు, టీవీ కథనాలు లేదా సోషల్ మీడియా ద్వారా కించపరచడం విమర్శ కాదు; అది క్రూరత్వం. ఇది ఆమోదయోగ్యం కాదు మరియు దీనిని అందరూ సంకోచం లేకుండా ఖండించాలి." అని తెలిపారు.

నేడు, మహిళలు పరిపాలన, పోలీసింగ్, పాలన, సైన్స్, ప్రజా జీవితం మరియు మీడియాలో ముందుండి నాయకత్వం వహిస్తున్నారని, ముఖ్యంగా, వారు ఇంట్లో కూడా నాయకత్వం వహిస్తున్నారు, తరచుగా కనిపించని బాధ్యతలను మోస్తున్నారని తెలిపారు. పని, కుటుంబం, సమాజం యొక్క అంచనాలను సమతుల్యం చేస్తున్నారని, వారి వ్యక్తిత్వంపై దాడి చేయడం అంటే మనం విలువైనదిగా చెప్పుకునే పురోగతిపై దాడి చేయడమే అన్నారు.

Criticism and scrutiny are part of public life. But maligning any woman—be she a public servant, a professional in the private sector, or a homemaker—through words, TV stories, or social media is not criticism; it is cruelty. It is unacceptable, and it must be condemned without… pic.twitter.com/u4OcxKe1Vn

— V.C. Sajjanar, IPS (@SajjanarVC) January 14, 2026

ఇటీవల ఉద్దేశపూర్వకంగా మహిళా అధికారులను వ్యక్తిత్వ దాడుల ద్వారా లక్ష్యంగా చేసుకోవడం తీవ్ర ఆందోళన కలిగిస్తోందని, ఇది వ్యక్తిగతమైనది, హానికరమైనది అని, ఏమాత్రం ఆమోదయోగ్యం కాదని తెలిపారు. మహిళలను, ముఖ్యంగా ముందుండి నడిపించే వారిని గౌరవించలేని సమాజం, దాని స్వంత భవిష్యత్తును దెబ్బతీస్తుందన్నారు. భవిష్యత్తు స్త్రీదే -భవిష్యత్తు అవమానం, పక్షపాతం లేదా వ్యక్తిత్వ హత్యను సహించదనే సందేశం నిస్సందేహంగా ఉండాలన్నారు. , .