హైదరాబాద్ రోడ్ల దుస్థితి: నీటిగుంతలో కూర్చుని మహిళ నిరసన

హైదరాబాద్ నగరంలో భారీ వర్షమైనా.. చిన్న వర్షమైనా రహదారులు జలమయమవుతాయి. వాహనదారులకు తీవ్ర ఇబ్బందులు తప్పవు. ఇక, రోడ్లు బాగాలేని ప్రాంతాల్లో అయితే, వాహనదారులు, ప్రజలకు నరకమే. భారీ వర్షంతో ఆ గంతల్లో చేరిన వరదనీర అలాగే ఉండి వాహనదారులకు చుక్కలు చూపిస్తాయి. అంతేగాక, ప్రమాదాలకు కూడా కారణమవుతాయి.

ఈ నేపథ్యంలోనే హైదరాబాద్ నగరానికి చెందిన ఓ మహిళ సమస్యను అధికారుల దృష్టికి తీసుకెళ్లేందుకు వినూత్న రీతిలో నిరసన చేపట్టింది. హైదరాబాద్‌లో చాలా చోట్ల రోడ్లన్నీ గుంతలుగా మారాయని, వరద నీరు మిగిలిపోవడంతో వాహనదారులు, పాదచారులు తీవ్ర ఇబ్బందులు పడుతున్నారని ఆమె ఆవేదన వ్యక్తం చేశారు.

రోడ్డు పక్కనే ఉన్న వరద నీటి గుంతలో కూర్చొని వినూత్న రీతిలో ఆమె నిరసన తెలిపారు. నాగోలు - బండ్లగూడ రహదారిలోని ఆనంద్ నగర్‌లో రోడ్లు అధ్వానంగా ఉన్నాయని ఆ మహిళ పేర్కొన్నారు. రోడ్డు మధ్యలో ఉన్న గుంతల్లో వర్షపు నీరు నిలవడంతో రాకపోకలకు తీవ్ర అంతరాయం ఏర్పడుతుందని వివరించారు.

A mother protests at Nagole by sitting in a pothole, venting ire over officials who have not taken repairs. She says that her kids fell due to a pothole
#Hyderabad

She said There are 30potholes from Uppal to Nagole.

To showcase the depth of the pothole and the danger it holds. pic.twitter.com/l6DHOPQjrx

— Naveena (@TheNaveena) May 23, 2024

కొత్త రోడ్డును నిర్మించాలని ఆమె డిమాండ్ చేశారు. ఈ క్రమంలో అక్కడికి చేరుకున్న ట్రాఫిక్ పోలీసులు న‌చ్చ‌జెప్పినా ఆమె వినలేదు. రోడ్డును పూర్తి చేస్తామని జీహెచ్‌ఎంసీ అధికారులు స్పష్టమైన హామీ ఇస్తేనే నిరసన విరమిస్తానని ఆమెను కదలకుండా అలాగే నిరసన వ్యక్తం చేశారు. ఆమెకు మద్దతుగా స్థానికులు కొందరు నిలిచారు. దీంతో సదరు మహిళ నిరసనతో దిగివచ్చిన అధికార యంత్రాంగం రోడ్లు మరమ్మతులు చేపడతామని, అవసరైమన చోట్ల కొత్తగా రోడ్లు వేస్తామని హామీ ఇచ్చారు. దీంతో ఆమె తన నిరసనను విరమించారు.

English summary

woman protest at flood water road in nagole, hyderabad