ఎరవేసి ఇరుక్కుపోయిన మహిళ, ఏడుసార్లు ఫెయిలై.. ఎనిమిదోసారి, ఏం చేసిందంటే..

యునైటెడ్ అరబ్ ఎమిరేట్స్ లోని షార్జా నగరంలో ఓ మహిళ(30) డ్రైవింగ్ లైసెన్స్ పరీక్షలో విఫలమైంది. ఒక్కసారి, రెండుసార్లు కాదు... ఏకంగా ఏడుసార్లు ఇదే పరిస్థితి. దీంతో ఇక తాను డ్రైవింగ్ లైసెన్స్ పొందలేననే ఆం

షార్జా: గల్ఫ్ దేశాల్లో లంచం తీసుకున్నా, ఇచ్చినా నేరమే. పట్టుబడిన వారికి తీవ్రమైన శిక్షలు ఉంటాయి. లంచం ఇచ్చినట్లు తేలితే కఠిన శిక్ష పడుతుందని తెలిసినా ఓ అధికారికి లంచం ఇవ్వచూపింది ఓ మహిళ.

యునైటెడ్ అరబ్ ఎమిరేట్స్ లోని షార్జా నగరంలో వెలుగులోకి వచ్చిన ఓ ఘటనకు సంబంధించిన వివరాలు ఈ విధంగా ఉన్నాయి. ఓ మహిళ(30) డ్రైవింగ్ లైసెన్స్ పరీక్షలో విఫలమైంది. ఒక్కసారి, రెండుసార్లు కాదు... ఏకంగా ఏడుసార్లు ఇదే పరిస్థితి.

దీంతో ఇక తాను డ్రైవింగ్ లైసెన్స్ పొందలేననే ఆందోళనతో ఆ శాఖలోని ఓ అధికారికి లంచం ఇవ్వాలని నిర్ణయించుకుంది. తనకు డ్రైవింగ్ లైసెన్స్ ఇస్తే ఓ చాక్లెట్ లంచంగా ఇస్తానని ఆశచూపింది.

కేవలం చాక్లెట్ మాత్రమే కాదులెండి.. ఆ చాక్లెట్‌తోపాటు 500 దిర్హమ్స్ ( మన కరెన్సీలో దాదాపు రూ.8,900)లు ఇస్తానంటూ చెప్పింది. ఆమె ప్రతిపాదనకు భయపడిన సదరు అధికారి పోలీసులకు ఫిర్యాదు చేశాడు. విషయాన్ని పూసగుచ్చినట్టు వివరించాడు.
దీంతో అక్కడి పోలీసులు ఆ మహిళపై కేసు నమోదు చేశారు. ఈ కేసుపై కోర్టులో ప్రస్తుతం విచారణ కొనసాగుతోంది. అయితే విచారణలో నిందితురాలు కొత్తవాదనను తెరపైకి తీసుకొచ్చింది.

తాను బహుమతిగా ఇస్తానని అన్నానని, తనను ఆ అధికారి తప్పుగా అర్థం చేసుకున్నారని, లంచం ఇవ్వడం తన ఉద్దేశ్యం కాదని పేర్కొంది. ఆసక్తికరమైన ఈ కేసుపై విచారణ కొనసాగుతోంది. నేరం రుజువైతే నిందితురాలికి కఠిన శిక్ష పడడం ఖాయం.

English summary

A woman offered chocolates and Dh500 as bribe to a Sharjah Police official to help her pass her driving test, a court has heard. The Arab woman offered the bribe to the employee of the department of licensing, with a request to issue her a driving licence despite the fact that she hadn't cleared her driving test. The defendant, who is in her 30s, said at the Sharjah criminal court on Tuesday that the chocolates and cash were just a "gift". "The complainant perceived it as a bribe," she added.During the investigation, the complainant said the defendant told her that she had failed in her driving test seven times. The defendant then offered the cash and chocolates as a bribe to help her pass the driving test.