నో డౌట్..క్యాచ్ ఆఫ్ ది టోర్నమెంట్
న్యూఢిల్లీ: ఐసీసీ ప్రపంచ కప్ 2023 టోర్నమెంట్లో న్యూజిలాండ్ జైత్రయాత్ర కొనసాగుతోంది. వరుసగా నాలుగు విజయాలతో దూసుకెళ్తోంది. ఇప్పటివరకు ఓటమి ఎరుగని జట్టుగా నిలిచారు బ్లాక్ క్యాప్స్. పాయింట్ల పట్టికలో అగ్రస్థానాన్ని ఆక్రమించారు. న్యూజిలాండ్ తరువాత భారత్ పాయింట్ల పట్టికలో రెండో స్థానంలో నిలిచింది. మూడు విజయాలు- ఆరు పాయింట్లు టీమిండియా ఖాతాలో ఉన్నాయి.
టీమిండియా ప్రదర్శిస్తోన్న ఈ దూకుడు చూస్తోంటే- నాలుగో విజయం సునాయాసమే అవుతుంది. తన తదుపరి మ్యాచ్లో బంగ్లాదేశ్ను ఎదుర్కొనబోతోంది రోహిత్ సేన. నేడు పుణేలోని మహారాష్ట్ర క్రికెట్ అసోసియేషన్ స్టేడియంలో ఈ మ్యాచ్ షెడ్యూల్ అయింది. ఈ స్టేడియంలో జరగబోయే మొట్టమొదటి వరల్డ్ కప్ మ్యాచ్ ఇదే.
చెన్నై చెపాక్లోని ఎంఏ చిదంబరం స్టేడియంలో బుధవారం రాత్రి జరిగిన మ్యాచ్లో న్యూజిలాండ్ ఆల్రౌండ్ ప్రతిభను ప్రదర్శించింది. తొలుత బ్యాటింగ్లో చెలరేగింది. అనంతరం బౌలింగ్లో ప్రత్యర్థిని కట్టడి చేసింది. అదే సమయంలో- మెరుపు ఫీల్డింగ్లో ఆఫ్ఘనిస్తాన్ బ్యాటర్లకు చుక్కలు చూపించింది కివీస్.
తొలుత బ్యాటింగ్కు దిగిన న్యూజిలాండ్ నిర్ణీత 50 ఓవర్లల్లో ఆరు వికెట్ల నష్టానికి 288 పరుగులు చేసింది. లోయర్ ఆర్డర్ బ్యాటర్ గ్లెన్ ఫిలిప్స్-71, కేప్టెన్ టామ్ లాథమ్- 68, విల్ యంగ్- 54 పరుగులతో కదం తొక్కారు. మిఛెల్ శాంట్నర్, లోకీ ఫెర్గూసన్ మూడు చొప్పున వికెట్లను నేల కూల్చారు.
బ్యాక్ క్యాప్స్ నిర్దేశించిన 288 పరుగులను అందుకోలేకపోయింది ఆఫ్ఘనిస్తాన్. 34.4 ఓవర్లల్లో 139 పరుగులకు కుప్పకూలింది. 149 పరుగుల తేడాతో ఓటమి పాలైంది. ఇంగ్లాండ్పై సాధించిన స్ఫూర్తిదాయక విజయాన్ని ఇక్కడ కొనసాగించలేకపోయింది. అన్ని రంగాల్లోనూ విఫలమైందా జట్టు.
ఈ మ్యాచ్లో శాంట్నర్ దుమ్ము దులిపాడు. ఆల్రౌండర్ అనే అర్థానికి అసలు సిసలు నిర్వచనం ఇచ్చాడు. బౌలింగ్లో మూడు వికెట్లను పడగొట్టిన శాంట్నర్.. ఫీల్డింగ్లో మెరుపు క్యాచ్ను అందుకున్నాడు. కేప్టెన్ హష్మతుల్లా షహీదీని పెవిలియన్ దారి పట్టించడానికి అతను పట్టిన క్యాచ్.. ఇప్పటివరకు ఈ టోర్నమెంట్ మొత్తానికీ హైలైట్గా నిలిచింది.
జట్టు స్కోరు 43 పరుగుల వద్ద ఉన్నప్పుడు లోకీ ఫెర్గూసన్ బౌలింగ్లో హష్మత్ అవుట్ అయ్యాడు. అతను సంధించిన షార్ట్ బంతిని పుల్ షాట్ ఆడాడు హష్మత్. గాల్లోకి లేచిన ఆ బంతిని శాంట్నర్ అందుకున్న తీరు అద్భుతం. గాల్లోకి లేచిన బంతినే చూస్తూ, ఎడమ వైపునకు డైవ్ చేస్తూ దాన్ని అందుకున్నాడు. దీనికి సంబంధించిన వీడియోలో వైరల్ అయ్యాయి.
-
బంగారం ధరల అంచనాలు తలకిందులు -
తులా రాశి, వృశ్చిక రాశి ఏప్రిల్ నెల జాతక ఫలం -
PM Modi: అన్నింటికీ సిద్దం అయిపోండి..! ప్రధాని మోడీ షాకింగ్ పిలుపు..! -
బంగారం ధరలు అధోగతి- కనీవినీ ఎరుగనంత పతనం -
సికింద్రాబాద్ స్టేషన్ సిద్దం, ప్రధాని మోదీ ప్రారంభం - ముహూర్తం ఫిక్స్..!! -
ఇరాన్ ను లేపేద్దాం రండి: ప్రపంచ దేశాలకు నెతన్యాహు పిలుపు -
మహేష్ బాబు కాకుండా ఆ హీరో అంటే చాలా ఇష్టం - కృష్ణ -
క్రికెట్ రాజకీయాలకు బలైన రియల్ లైఫ్ 'ధురంధర్' ఆదిత్య ధర్! -
విజయ్ సంచలనం.. టీవీకే అభ్యర్థుల ఫుల్ జాబితా విడుదల.. -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
మకరరాశి వార్షిక జాతకం ఇలా.. ఈ ఏడాది విశేష లాభాలు! -
రైతు భరోసా నిధులు జమ కాలేదా, ఇలా చేయండి- వెంటనే..!!
Click it and Unblock the Notifications
Sign in with Google