న్యూజిలాండ్.. బిగ్ ఫైట్ ఫర్ సర్వైవల్

వెల్లింగ్టన్ లో భారత్‌తో జరుగుతున్న మొదటి టెస్టు మ్యాచ్‌ రెండో ఇన్నింగ్స్‌లో న్యూజిలాండ్ ఓపెనింగ్ బ్యాటర్ డెవాన్ కాన్వే అద్భుతమైన పోరాట పటిమను ప్రదర్శించాడు. బాధ్యతాయుతమైన ఇన్నింగ్ ఆడాడు. 59 పరుగులు చేసి నాటౌట్‌గా నిలిచాడు. నాలుగో రోజు ఆట ముగిసే సమయానికి న్యూజిలాండ్ 2 వికెట్ల నష్టానికి 119 పరుగులు చేసింది. కేప్టెన్ టామ్ లాథమ్ డకౌట్ కాగా.. మొదటి ఇన్నింగ్ సెంచరీ హీరో హెన్రీ నికొల్స్ 31 పరుగుల వ్యక్తిగత స్కోర్ వద్ద అవుట్ అయ్యాడు. డెవాన్ కాన్వే- 59, రచిన్ రవీంద్ర- 27 పరుగులతో అజేయంగా నిలిచారు.

లైన్ అండ్ లెంగ్త్ కు కట్టుబడి బుల్లెట్ల వంటి బంతులను సంధించిన భారత బౌలర్లను సమర్థవంతంగా ఎదుర్కొంటూ, న్యూజిలాండ్ ఇన్నింగ్స్‌ను నిలబెట్టడంలో కాన్వే పట్టుదలను ప్రదర్శించాడు. 137 బంతుల్లో ఆరు ఫోర్లతో 59 పరుగులతో నాటౌట్ గా నిలిచాడు. టెస్ట్ మ్యాచ్ మజా చూపించాడు. మరోవంక రచిన్ రవీంద్ర తనదైన శైలిలో ఆడాడు. మూడు ఫోర్లతో 27 పరుగులతో అతనికి అండగా క్రీజ్ లో నిలిచాడు.

Devon Conway scored an unbeaten 59 in New Zealand second innings on Day 4 of the first Test on India

బౌలర్ ప్రసిద్ధ్ కృష్ణ బౌలింగ్‌లో ఓ పుల్ షాట్‌తో ఫోర్ బాది డెవాన్ కాన్వే తన హాఫ్ సెంచరీని చేరుకున్నాడు. కాన్వే అంతర్జాతీయ టెస్టు కెరీర్‌లో ఇది 14వ హాఫ్ సెంచరీ కాగా, టీమిండియాపై నాలుగోది. 31 పరుగులు చేసి నిలకడగా ఆడుతున్న హెన్రీ నికోల్స్ వికెట్‌ను కివీస్ కోల్పోయిన తర్వాత, కాన్వే మరింత జాగ్రత్తగా ఆడుతూ ఇన్నింగ్స్ బాధ్యతను తన భుజాలపై వేసుకున్నాడు. నికోల్స్ నిష్క్రమణ తర్వాత క్రీజ్ లోకి వచ్చిన రచిన్ రవీంద్రతో కలిసి కాన్వే ఇన్నింగ్స్‌ను నిర్మించాడు. వీరిద్దరూ మూడో వికెట్‌కు 59 పరుగుల కీలక భాగస్వామ్యాన్ని నెలకొల్పారు.

ఠారెత్తించిన రిషభ్ పంత్: మాస్ సెంచరీ
ఠారెత్తించిన రిషభ్ పంత్: మాస్ సెంచరీ

అంతకుముందు టీమిండియా త మొదటి ఇన్నింగ్ ను 720/9 వద్ద భారీ స్కోరుతో డిక్లేర్ చేసిన విషయం తెలిసిందే. దీంతో మ్యాచ్‌పై స్పష్టమైన ఆధిపత్యం సాధించిందీ జట్టు. ప్రస్తుతం కివీస్ జట్టు భారత్ తొలి ఇన్నింగ్స్ స్కోరు కంటే ఇంకా 233 పరుగులు వెనుకంజలో ఉంది. ఇన్నింగ్స్ ఓటమి ప్రమాదాన్ని అధిగమించడానికి శ్రమిస్తోంది. దీంతో ఈ మ్యాచ్ లో చివరి రోజు కీలకంగా మారింది.

మద్యం అలవాటు ఉన్న పోలీసులకు నో శబరిమల డ్యూటీ
మద్యం అలవాటు ఉన్న పోలీసులకు నో శబరిమల డ్యూటీ

ఈ మ్యాచ్ లో గెలవాలంటే చివరి రోజు ఎనిమిది వికెట్లను టీమిండియా పడగొట్టాల్సి ఉంది. డ్రా కావాలంటే ఇక న్యూజిలాండ్ బ్యాటర్లు తమ స్థాయికి మించిన ఆటతీరును కనపర్చాల్సి ఉంటుంది. డెవాన్ కాన్వే, రచిన్ రవీంద్ర ఆఖరి రోజు ఎంతసేపు క్రీజులో నిలుస్తారనే దానిపైనే న్యూజిలాండ్ ఈ మ్యాచ్‌ను కాపాడుకోగలదా లేదా అనేది ఆధారపడి ఉంటుంది.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+