తండ్రితో నటి వనిత స్ట్రీట్ ఫైట్

ప్రముఖ సినీ నటుడు విజయ్‌కుమార్ తన సొంత కూతురు వనితతోనే చెన్నై ఎయిర్‌పోర్టులో గత డిసెంబర్ 29న గొడవకు దిగడం అంతా చర్చనీయాంశంగా మారింది. ఘర్షణకు కారణమైన శ్రీహరి విజయ్‌కుమార్‌కు మనవడు కాగా వనితకు సొంత కొడుకు. మనవడి కోసం విజయ్‌కుమార్, కొడుకు కోసం వనిత ఇలా తండ్రీ కూతుళ్లే ఎందుకు బాహాటంగా ఘర్షణకు దిగారనేది అందరి మదిలో మెదులుతున్న ప్రశ్న. ఎయిర్‌పోర్టులో తండ్రి విజయ్‌కుమార్‌కి, కూతురు వనితకు మధ్య తీవ్ర ఘర్షణ జరిగినప్పుడు బ్రోతల్ హవుస్‌ను నడుపుతున్నావంటూ తండ్రిని తీవ్రంగా దూషించింది. శ్రీహరి కోసం వారు ఇంత బాహాటంగా దూషించుకోవటం అందరినీ ఆశ్చర్యంలో ముంచెత్తింది. ఇంతలా గొడవకు కారణమైన శ్రీహరిపై వారికి ఉన్నది ప్రేమా లేదా మరేదైనానా? వనిత చెబుతున్న ప్రకారమైతే శ్రీహరిని సినిమాల్లోకి తీసుకురావడమనే చిన్న అంశమే వారిమధ్య గొడవకు దారి తీసినట్టుగా తెలుస్తోంది.

విజయ్ ‌కుమార్ చిన్న వయసులోనే వనితను సినిమాల్లోకి తీసుకు వచ్చారు. ఈ కారణంగా తన జీవితం నాశనమయిందని ఆమె ఆవేదన వ్యక్తం చేస్తున్నారు. తన తల్లిదండ్రులు కుటుంబాన్ని సినిమాలకు అంకితం చేయాలని చూస్తున్నారని ఆమె ఆరోపిస్తున్నారు. తనలా తన కొడుకు చిన్నతనంలోనే సినిమాలకు అంకితం కాకూడదని, తద్వారా జీవితాన్ని నాశనం చేసుకోకూడదనే తాను తన తండ్రి విజయ్‌కుమార్, తల్లి మంజులతో గొడవలకు దిగుతున్నట్లు చెబుతున్నారు. అయితే ఇందులో నిజానిజాలు దేవుడికే తెలియాలి. శ్రీహరి విషయంలో తనతో తీవ్ర ఘర్షణకు దిగుతున్న విజయ్‌కుమార్ ఆయన మొదటి భార్య కొడుకు అరుణ్‌ విజయ్‌కుమార్‌లను వనిత మీ బండారం మొత్తం బయట పెడతానని కూడా బెదిరింపులు చేస్తున్నారు. దాంతో అప్పటికి వారు కాస్త తగ్గుతున్నప్పటికీ మళ్లీ ఘర్షణకు దిగుతున్నారు.

ఈ గొడవకు అంతా తన మొదటి భర్త ఆకాష్ కారణమని వనిత ఆరోపిస్తున్నారు. ఆకాషే తన కొడుకును తన నుండి దూరం చేయాలని చూస్తున్నారని ఆమె వాపోతున్నారు. సినీ నటుడు విజయ్‌కుమార్‌ రెండో భార్య అయిన మంజుల పెద్ద కూతురు వనిత. ఈమెను చిన్నతనంలోని ఇండస్ట్రీకి పరిచయం చేశారు తల్లిదండ్రులు. పద్దెనిమిది ఏళ్లకే ఆకాష్‌తో వివాహం చేశారు. శ్రీహరి పుట్టిన తర్వాత వారిద్దరికి బెడిసి కొట్టింది. ఆ తర్వాత వనిత ఆనంద్‌రాజ్‌ అనే మరో వ్యక్తిని పెళ్లి చేసుకుంది. తర్వాత వనిత తన కొడుకు శ్రీహరిని తనతోనే ఉంచాలని కోర్టును ఆశ్రయించింది. చైన్నై కోర్టు శ్రీహరిని తల్లి వనితతోనే ఉంచాలని తీర్పు ఇచ్చింది. కోర్టు తీర్పు తల్లికి అనుకూలంగా ఉంటే శ్రీహరి మాత్రం తల్లితో ఉండడానికి ఇష్టపడటం లేదు. తల్లి వద్ద ఉండేందుకు శ్రీహరిని ఒప్పించే పనిని కోర్టు ఆకాష్‌కు అప్పగించింది. ఏదో బిజినెస్ టూర్‌కు వెళుతూ ఆకాష్‌ తన కొడుకు శ్రీహరిని విజయ్‌కుమార్‌కు అప్పగించారు. శ్రీహరిని తీసుకొని విజయ్‌కుమార్ చెన్నై ఎయిర్ పోర్టుకు వస్తున్నారన్న విషయం తెలుసుకున్న వనిత అక్కడికి చేరడంతో కుటుంబ గొడవలు బయటపడ్డాయి.