పవన్ కల్యాణ్ వైరాగ్యం!

అన్న కోసం ఏ త్యాగం చేయడానికైనా వెనుకాడని వ్యక్తి పవన్ కల్యాణ్. అటువంటి మనిషి ఈ మధ్య ప్రజారాజ్యం పార్టీ అంటేనే దూరదూరంగా జరుగుతున్నాడు. యువరాజ్యం నాయకులకు కూడా కన్పించడం లేదు. ఎన్నికల్లో ప్రజారాజ్యం దారుణంగా విఫలం కావడం ఆయనకు బాధ కలిగించింది. కొమురం పులి తర్వాత మరో రెండు సినిమాలు చేసుకుని కళారంగానికే పరిమితం కావాలని ఆయన యోచిస్తున్నట్టు తెలిసింది.

ఇటీవల దేవేందర్ గౌడ్ ఆయనకు ఫోన్ చేసి తాను తెలుగుదేశం పార్టీలోకి తిరిగి వెళ్ళిపోవాలనుకుంటున్నట్టు చెప్పగా ఎవరి రాజకీయ భవిష్యత్త్తు వారు చూసుకోవడం మంచిదని పవన్ చెప్పినట్టు సమాచారం. దేవేందర్ గౌడ్ పవన్ కు చాలా దగ్గరి వ్యక్తి. గౌడ్ కు కూడా పవన్ ఈ విధంగా సమాధానమిచ్చాడంటే రాజకీయాలంటే అతను ఎంతగా విసిగిపోయాడో ఊహించవచ్చు.