లగడపాటి ఆపరేషన్ ఏమిటి?

కాంగ్రెసు సీమాంధ్ర పార్లమెంటు సభ్యుడు లగడపాటి రాజగోపాల్‌కు ఏ ఆంక్షలు వర్తించేట్లు లేవు. ఆయన ఉండీ ఉండీ మాటల తూటాలు పేలుస్తుంటారు. ఆయన చెప్పిన మాటలు చాలా వరకు నిజాలవుతుంటాయి. అలా ఎందుకు జరుగుతుందనేది అందరికీ ఆశ్చర్యం కలిగించే విషయమే. ఆయన ఆపరేషన్ ఏమిటనేది ఎవరికీ అర్థం కాదు. తెలంగాణ మరుగునపడిపోయిందని ఆయన తాజా వ్యాఖ్య కూడా పలు అనుమానాలకు తావిస్తోంది. సమైక్యవాదాన్ని గట్టిగా వినిపిస్తూ తెలంగాణ రాదని కూడా ఆయన ఘంటాపథంగా చెబుతున్నారు. సమైక్యవాదంతో విజయవాడ నుంచి హైదరాబాదుకు రహస్యంగా తరలి వచ్చినట్లుగానే ఆయన ఆపరేషన్ కూడా అత్యంత గోప్యంగా ఉంటుందని అంటున్నారు.

లగడపాటి రాజగోపాల్‌కు కాంగ్రెసు అధిష్టానం పెద్దల్లో కొందరితో విడదీయరాని సంబంధం ఉందని చెబుతున్నారు. ఈ బంధం కారణంగా ఆయన అధిష్టానం నిర్ణయాలను కూడా ఆయన ప్రభావితం చేస్తారట. అందరిలో ఒక్కడిగా ఉంటూనే ఒక్కడిగా కూడా ఆయన పని చేసుకుంటూ పోతారని అంటారు. తెలంగాణ విషయంలో ఆయన ఒక్కడై చేసిన మంత్రాంగాలే పనిచేస్తున్నాయనే అభిప్రాయం కూడా బలంగా ఉంది.

English summary

It is said that Seemandhra Congress MP Lagadapati Rajagopal will work on his own.