ఏమి రుచి అన్న కిరణ్ కుమార్ రెడ్డి

By Pratap

Published: Monday, January 2, 2012, 12:18 [IST]

హైదరాబాదులోని నుమాయిష్ జ్ఞాపకాల్లో ముఖ్యమంత్రి కిరణ్ కుమార్ రెడ్డి నెమరేసుకున్నారు. నుమాయిష్‌గా పేరు పొందిన అఖిల భారత పారిశ్రామిక ప్రదర్శనను ఆయన ఆదివారం ఎగ్జిబిషన్ మైదానంలో ప్రారంభించారు. తనను తాను హైదరాబాదీగా చెప్పుకునే కిరణ్ కుమార్ రెడ్డి తన చిన్ననాటి నుమాయిష్ జ్ఞాపకాలను అందరికీ పంచిపెట్టారు. జనవరి 1వ తేదీన ప్రారంభమయ్యే నుమాయిష్ కోసం తాను డిసెంబర్ నుంచే పాకెట్ మనీని దాచుకుంటూ ఉండేవాడినని ఆయన చెప్పుకున్నారు. నుమాయిష్‌లో విక్రయించే మిర్చీబజ్జీలు, స్వీట్లు ఎంతో రుచిగా ఉండేవని ఆయన అన్నారు.

నుమాయిష్‌కు వచ్చే ప్రజలకు పూర్తి భద్రత కలిగించాలని, అందుకు తగిన చర్యలు తీసుకోవాలని ఆయన నిర్వాహకులకు సూచించారు. అగ్ని ప్రమాదాల నివారణకు ప్రత్యేక చర్యలు తీసుకోవాలని ఆయన ఆదేశించారు. నుమాయిష్ హైదరాబాదును అంతర్జాతీయ స్థాయికి తీసుకుని వెళ్లిందని ఆయన అన్నారు.

Published On January 2, 2012