జగన్ మీడియాపై కత్తిన కట్టిన టిడిపి?

వైయస్సార్ కాంగ్రెసు పార్టీ అధ్యక్షుడు వైయస్ జగన్ మీడియాపై తెలుగుదేశం పార్టీ ఓ కన్నేసి ఉంచినట్లు కనిపిస్తోంది. ఊపిరి సలపకుండా జగన్ సాక్షి టీవీ చానెల్‌పై, దినపత్రికపై తెలుగుదేశం పార్టీ దండెత్తాలని అనుకుంటున్నట్లు అర్థమవుతోంది. తెలుగులో నెలకొన్న మీడియా వార్‌లో తెలుగుదేశం పార్టీ సాక్షికి వ్యతిరేకంగా వ్యవహరించడం కొత్త విషయమేమీ కాదు. తాజాగా, జగన్ మీడియాపై తెలుగుదేశం పార్టీ ఎన్నికల కమిషన్‌కు ఫిర్యాదు చేసింది.

జగన్ పత్రికలోను, చానల్‌లోను ఉప ఎన్నికలకు అనుకూలంగా వస్తున్న వార్తలను, చర్చలను పెయిడ్ ఆర్టికల్స్‌గా పరిగ ణించాలని టీడీపీ నేత పెద్దిరెడ్డి ఎన్నికల కమిషన్‌కు ఫిర్యాదు చేశారు. కడప పార్లమెంటు ఉప ఎన్నికల సందర్భంగా టీవీలో వైఎస్ఆర్ పార్టీ గుర్తును చూపడం, తనకు అనుకూలమైన వారిని చర్చల్లో కూర్చోబెట్టి గెలుపు ఏకపక్షమని మాట్లాడించడం చేశారని ఈసీకి రాసిన లేఖలో ఫిర్యాదు చేశారు. ఇప్పుడు జరుగుతున్న ఉప ఎన్నికల సందర్భంగా ఇలాంటి వాటిని కట్టడి చేయాలని కోరారు.