ఇంట్లో చపాతీలు చేసుకోవాలట: ఇమ్రాన్‌ఖాన్‌పై రెహామ్

లండన్: పాకిస్తాన్ మాజీ క్రికెటర్, తెహ్రిక్ ఇ ఇన్సాఫ్ (పిటిఐ) రాజకీయ పార్టీ అధ్యక్షుడు ఇమ్రాన్ ఖాన్ పైన ఇటీవలే విడాకులు తీసుకున్న మాజీ భార్య, మాజీ బీబీసీ యాంకర్ రెహామ్ ఖాన్ స్పందించారు. తాము విడాకులు తీసుకోవడం వెనుక గల కారణాలను తెలిపింది.

తాను వంటింట్లో కూర్చొని చపాతీలు చేసుకోవాలని ఇమ్రాన్ ఖాన్ చెప్పారని, తాను బయట కనిపించకూడదని ఆదేశించాడని రెహామ్ ఖాన్ ఆరోపించారు. రెహామ్ ఖాన్ పాత్రికేయురాలిగా పని చేశారు.

రాజకీయ వ్యవహారాల్లో రెహం అనవసరంగా జోక్యం చేసుకోవడంపై ఇమ్రాన్‌ ఆమెను వారించారన్న వార్తల నేపథ్యంలో... గత నెల 30న తాము విడిపోతున్నట్లు ఈ జంట ప్రకటించింది. తను రాజకీయాల్లో క్రియాశీలకంగా మారేందుకు ఇమ్రాన్ ఖాన్ పైన రెహమ్ ఖాన్ విష ప్రయోగం చేశారని, ఆమె క్షుద్ర విద్యలు కూడా నేర్చుకున్నారని, అందుకే వీరు విడాకులు తీసుకున్నారని వారం రోజులుగా ఊహాగానాలు వినిపిస్తున్నాయి.

వీటిపై రెహామ్ ఖాన్ స్పందించారు. బానీగాలాలో ఇమ్రాన్‌ ఖాన్ బంగ్లాకు వెళ్లింది మొదలు తన పైన ఒత్తిడి పెరిగిందని చెప్పారు. అందుకే విడిపోవాలని నిర్ణయించుకున్నట్లు తెలిపారు. ఇమ్రాన్‌ను ఆమె రెండో పెళ్లి చేసుకున్నారు. వీరిద్దరు కనీసం ఏడాది కూడా కలిసి లేరు.

English summary

Two weeks after Imran Khan's second marriage ended in a divorce in just 10 months, his former wife, Reham Khan claims she was told that she should be making chapatis in the kitchen and not to be seen outside.