• search

ఇది నిజంగా వండర్..: జపాన్‌లో పోగొట్టుకుంటే.. తైవాన్‌లో దొరికింది..

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    హైదరాబాద్: ఇది నిజంగా అబ్బురపరిచే విషయమే. లేకపోతే.. రెండేళ్ల క్రితం సముద్రంలో పోగొట్టుకున్న కెమెరా తిరిగి దొరకడమంటే మాటలు కాదు కదా. అది కూడా.. పోగొట్టుకున్నది ఓ దేశంలో అయితే.. తిరిగి దొరికింది మరో దేశంలో. ఇంతకీ ఎవరా అదృష్టవంతురాలు అంటే.. జపాన్‌కు చెందిన సెరేనా సుబాకిహర.

    చాలా కాలంగా ఎన్నో జ్ఞాపకాలను బంధించిన ఆ కెమెరా దురదృష్టవశాత్తు సముద్రంలో పడిపోవడంతో ఆమె పడిన బాధ అంతా ఇంతా కాదు. కానీ ఏం చేస్తుంది?.. బాధపడి లాభం లేదనుకుని ఇక ఆ విషయమే మరిచిపోయింది.

    Camera lost in Japan is found by Taiwanese students 2 years later

    ఈ నేపథ్యంలో.. ఈ నెల 27న తైవాన్‌కి చెందిన పార్క్‌ లీ అనే టీచర్.. తన స్టూడెంట్స్ తో కలిసి స్థానికంగా ఉన్న బీచ్ ను శుభ్రం చేయడానికి వెళ్లారు. బీచ్ లో పేరుకుపోయిన చెత్తా, చెదారాలను క్లీన్ చేస్తున్న సమయంలో వారి కంటికి ఏదో కెమెరా లాంటి వస్తువు కనిపించింది.

    దగ్గరికెళ్లి చూస్తే అది నిజంగానే కెమెరానే. కానీ అంతా పాచి పేరుకుపోయి ఉంది. అయితే అది వాటర్ ప్రూఫ్ కావడంతో.. ఇప్పటికీ ఆ కెమెరా చక్కగా పనిచేస్తోంది. కెనాన్ పవర్ షాట్ జీ 12గా దాన్ని గుర్తించారు.

    అయితే ఆ కెమెరా ఎవరిదో ఎలా తెలుసుకోవాలన్న సందేహం వెంటాడింది. మెమొరీ కార్డులోని ఫోటోలు, వీడియోలు చూస్తే వివరాలు దొరకవచ్చు కానీ.. అందులో 'ప్రైవసీ' కంటెంట్ ఏమైనా ఉండవచ్చేమో అన్న సందేహం కూడా కలిగింది. అయితే వివరాల కోసం ఎట్టకేలకు మెమొరీ కార్డు గ్యాలరీ ఓపెన్ చేయక తప్పలేదు.

    అందులోని ఫోటోలను పరిశీలించగా.. చివరిసారిగా సెప్టెంబర్ 7, 2015లో ఫోటోలు తీసినట్టు గుర్తించారు. రెండేళ్లు సముద్రంలో ఉన్నా కూడా.. ఆశ్చర్యంగా.. ఆ కెమెరా బ్యాటరీ చార్జింగ్ ఇంకా అయిపోలేదు. మెమొరీ కార్డులో ఉన్న ఫోటోలను పరిశీలిస్తే.. అవి జపాన్ ద్వీపంలోని ఇషిగాకిలో తీసినవిగా గుర్తించారు. ఆ నగరం తైవాన్ కు తూర్పు దిక్కుగా 250కి.మీ దూరంలో ఉన్నది.

    Camera lost in Japan is found by Taiwanese students 2 years later

    మొత్తం మీద పలు వివరాలు దొరకడంతో.. వాటితో పాటు కెమెరా ఫోటోల్ని జతచేసి ఫేస్ బుక్ పేజీలో పోస్ట్ చేశారు పార్క్ లీ. ఆమె పోస్ట్‌ చేసిన 12గంటల్లోనే 13,000 మంది షేర్‌ చేయడంతో.. ఎట్టకేలకు అది సెరేనా సుబాకిహరకి చేరింది. రెండేళ్ల క్రితం పోయిన కెమెరా తిరిగి దొరకడంతో ఆమె ఆనందానికి అవధుల్లేవు.

    'నేనిప్పటికీ దీన్ని నమ్మలేకపోతున్నా.. కానీ నా కెమెరా తిరిగి నా వద్దకు చేరుకోవడంలో సహకరించిన ప్రతీ ఒక్కరికి ధన్యవాదాలు. నిజంగా నేను చాలా లక్కీ. త్వరలోనే తైవాన్ వెళ్లి పార్క్ లీతో పాటు ఆమె స్టూడెంట్స్ ను కూడా కలవబోతున్నాను' అని సెరేనా సంతోషం వ్యక్తం చేశారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    A Japanese woman yesterday (March 28) finally found her camera over two years after losing in it the ocean in Japan after Taiwanese elementary school students stumbled on it at a beach in Taiwan's northeastern Yilan County, reported CNA.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more