మొక్కజొన్న గారెలు- ఇలా చేస్తే మళ్ళీ మళ్ళీ తింటారు!
మొక్కజొన్న గారెలు అంటే చిన్నపిల్లల నుంచి పెద్దవారి వరకు అందరికీ ఇష్టమైన స్నాక్. సాధారణంగా చేసే విధానం కాకుండా తెలంగాణ స్టైల్‌లో చేస్తే రుచి మరింత ఎక్కువగా ఉంటుంది. క్రిస్పీగా, కారంగా, మసాలా రుచితో నోరూరించేలా తయారవుతాయి. సాయంత్రం టీతోపాటు లేదా హాట్ హాట్‌గా స్నాక్స్ గా తినడానికి మొక్కజొన్న గారెలు బెస్ట్.
కావాల్సిన పదార్థాలు:
తాజా మొక్కజొన్న గింజలు - 4 కప్పులు
ఉల్లిపాయ ముక్కలు - 1 కప్పు
పచ్చిమిర్చి - 4 నుంచి 5
జీలకర్ర - 1 టీస్పూన్
ఉప్పు - సరిపడా
పసుపు - చిటికెడు
కారం పొడి - రుచికి సరిపడా
కరివేపాకు - కొన్ని ఆకులు
కొత్తిమీర - సన్నగా తరిగినది
ధనియాల పొడి - కొంచెం (ఐచ్ఛికం)
నూనె - డీప్ ఫ్రై చేయడానికి
తయారీ విధానం:
ముందుగా మొక్కజొన్న కంకుల నుంచి గింజలు వేరు చేసుకోండి. ఆ గింజలను మిక్సీ జార్‌లో వేసి, దానిలో జీలకర్ర, ఉల్లిపాయ రెబ్బలు, పచ్చిమిర్చి, ఉప్పు వేసి మెత్తగా కాకుండా కాస్త బరకగా గ్రైండ్ చేయండి. ఇలా చేస్తే గారెలు మరింత క్రిస్పీగా ఉంటాయి. ఈ పిండిని ఒక గిన్నెలో తీసుకుని, అందులో కొంచెం ఉప్పు, కారం పొడి, పసుపు, కరివేపాకు, కొత్తిమీర, ధనియాల పొడి వేసి బాగా కలపండి. పిండి బాగా కలిసేలా చూసుకోండి.
అవసరమైతే కొంచెం నీళ్లు చిలకరించవచ్చు, కానీ ఎక్కువగా కాకూడదు. ఇప్పుడు పిండిని చిన్న చిన్న ముద్దలుగా చేసి, ప్లాస్టిక్ కవర్ లేదా తడి గుడ్డపై గారెల ఆకారంలో నొక్కి పెట్టండి. స్టవ్ మీద పాన్ పెట్టి నూనె వేడి చేసుకోండి. నూనె బాగా వేడెక్కాక గారెలు వేసి రెండు వైపులా బంగారు రంగు వచ్చేలా ఫ్రై చేయండి. ఎక్కువసేపు ఉడకకుండా చూసుకోండి, లేకపోతే లోపల మెత్తగా అయిపోతాయి.
మొక్కజొన్న గింజలు తాజాగా ఉంటే రుచి మరింత బాగుంటుంది. ఫ్రోజెన్ గింజలు వాడితే ముందుగా కరిగించి నీరు పిండి వేసుకోండి. మరింత క్రిస్పీగా కావాలంటే కొంచెం శనగపిండి లేదా రైస్ ఫ్లోర్ కలపవచ్చు. తక్కువ నూనెలో కావాలంటే ఎయిర్ ఫ్రైయర్‌లో కూడా చేయవచ్చు. వీటిని కొత్తిమీర చట్నీ, కొబ్బరి చట్నీ లేదా టమాటా సాస్‌తో వడ్డించండి.ఈ మక్కగారెలు కేవలం స్నాక్ మాత్రమే కాదు, పార్టీల్లో స్టార్టర్‌గా కూడా బాగా పనికొస్తాయి.
Click it and Unblock the Notifications
Sign in with Google
