నేడు అధిక పూర్ణిమ: అరుదైన యోగాలు; ఐశ్వర్యం, ఆరోగ్యం కోసం చెయ్యాల్సిందిదే!!

హిందూ పంచాంగం ప్రకారం అధిక శ్రావణమాసంలో వచ్చే పూర్ణిమ అధిక పూర్ణిమ. ఈరోజు అధిక పూర్ణిమ తెల్లవారుజామున 3 గంటల 53 నిమిషాలకు ప్రారంభమై, ఆగస్టు 2వ తేదీ అర్ధరాత్రి 12 గంటల 20 నిమిషాలకు ముగుస్తుంది. ఫలితంగా శ్రావణ అధిక పూర్ణిమ వ్రతం నేడు చాలామంది ఆచరిస్తారు. అధిక శ్రావణమాసంలో తృతీయ మంగళ గౌరీ వ్రతాన్ని కూడా ఈరోజు ఆచరిస్తారు.

అధిక శ్రావణమాసంలో వచ్చిన అధిక పూర్ణిమలో అత్యంత పవిత్రమైన అరుదైన శుభ యోగాలు ఆవిర్భవిస్తాయి అని చెబుతున్నారు. ఈ పవిత్రమైన రోజున పృథి యోగం, ఆయుష్మాన్ యోగం పుడతాయని, ఈ సమయాన్ని ఉత్తరాషాడ నక్షత్రం కూడా అనుగ్రహిస్తుందని చెబుతున్నారు. అయితే ఉదయం నుండి సాయంత్రం ఆరు గంటల 52 నిమిషాల వరకు పృథి యోగం ఉంటే, ఆ తర్వాత నుండి ఆయుష్మాన్ యోగం ప్రారంభమవుతుందని చెబుతున్నారు.

ఈరోజు వచ్చిన పూర్ణిమ తిథిలో చాలా ప్రత్యేకత ఉందని, ఇది శుభప్రదం అని చెబుతున్నారు. శ్రావణ అధిక పూర్ణిమ నాడు విష్ణువు,లక్ష్మీ మరియు చంద్రుని ఆరాధిస్తే శుభం జరుగుతుందని చెబుతున్నారు. ఆర్థిక సమస్యల నుండి బయట పడతారని ఇది అనుకూలమైన ఫలితాలను ఇస్తుందని చెబుతున్నారు.

ఈ పవిత్రమైన రోజున ఉదయాన్నే స్నానం చేయడం, భగవంతుడిని పూజించడం, వారికి దానం చేయడం వల్ల పుష్కలంగా పుణ్యఫలాలు లభిస్తాయని చెబుతున్నారు. కోరికలన్నీ నెరవేరుతాయని జీవితంలో సంతోషం, శ్రేయస్సు రెండు కలుగుతాయని చెబుతున్నారు. అధిక శ్రావణ పూర్ణిమ సందర్భంగా చంద్రుని పూజించటానికి రాత్రివేళ చంద్రునికి పాలు మరియు నీళ్లను సమర్పించాలని చెబుతున్నారు.

చంద్రునికి పాలను, నీళ్లను సమర్పించడానికి వెండి కాడ ఉపయోగించాలని, ఓం సోమాయ నమః అనే మంత్రాన్ని 108 సార్లు పాటించాలని చెబుతున్నారు. వీలైతే పూజించడం వల్ల వ్యక్తి అన్ని దోషాలు నుండి బయట పడతాడని జాతకంలో శుక్రుడు స్థానం బలపడుతుందని చెబుతున్నారు.

disclaimer: ఈ కథనం వాస్తు, జ్యోతిష్య నిపుణుల సలహాలు, ఇంటర్నెట్ లో అందుబాటులో ఉన్న సమాచారం ఆధారంగా రూపొందించబడినది. దీనిని oneindia ధ్రువీకరించలేదు.

English summary

It is said that the most auspicious rare auspicious yogas emerge in the adhika purnima ( full moon) of the Sravana month. It is said that Prithi Yoga and Ayushman Yoga will happen on this auspicious day.