• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్సార్ పార్టీ వ్యవస్థాపకుడు శివకుమార్‌తో జగన్ భేటీ, పార్టీపై కసరత్తు

By Pratap
|
Google Oneindia TeluguNews
YS Jagan
హైదరాబాద్: వైయస్సార్ పార్టీ వ్యవస్థాపకుడు శివకుమార్ శుక్రవారం మాజీ పార్లమెంటు సభ్యుడు వైయస్ జగన్‌తో భేటీ అయ్యారు. రెండు నెలల క్రితం శివకుమార్ వైయస్సార్ పార్టీ పేరును ఎన్నికల కమిషన్ వద్ద నమోదు చేయించుకున్నారు. శివకుమార్ నల్లగొండ జిల్లాకు చెందినవారు. వైయస్సార్ అభిమాని కూడా. వైయస్సార్ పార్టీ, రామన్న రాజ్యం పేర్ల నమోదు కోసం ఎన్నికల కమిషన్ వద్ద జగన్ దరఖాస్తు చేసుకున్నారు. వైయస్సార్ పార్టీ ఇది వరకే నమోదు కావడంతో అది వచ్చే అవకాశాలు లేవని చెబుతున్నారు. దీంతో వైయస్సార్ పార్టీని శివకుమార్ నుంచి తీసుకోవడానికి జగన్ ప్రయత్నాలు చేస్తున్నట్లు తెలుస్తోంది. ఇందులో భాగంగానే శివకుమార్ జగన్‌ను కలిసినట్లు తెలుస్తోంది.

శివకుమార్ దాదాపు అరగంట సేపు జగన్‌తో మాట్లాడారు. ఆ తర్వాత మీడియా కంట పడకుండా వేరే కారులో వెళ్లిపోయారు. తన పార్టీ స్థాపనపై వైయస్ జగన్ శుక్రవారం ఉదయం నుంచి తన అనుచరులతో మాట్లాడుతున్నారు. దశలవారీగా ఈ చర్చలు జరుపుతున్నారు. జెండా, ఎజెండాలపై ఆయన మంతనాలు జరుపుతున్నారు. పార్టీ స్థాపనకు ముందే జిల్లాల సమన్వయకర్తలను కూడా ఆయన నియమిస్తున్నారు. దీంతో పార్టీ స్థాపన నాటికే బలమైన వ్యవస్థాగత నిర్మాణం ఉండాలనేది ఆయన ఉద్దేశమని తెలుస్తోంది.

English summary
YSR party founder Shiva kumar met ex MP YS Jagan today. In a bid to get YSR party, YS jagan is talking with Shiva kumar. YS Jagan is also holding talks with his followers to finalise his party agenda.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
Desktop Bottom Promotion