పార్లమెంటులో తెలంగాణ బిల్లు పెట్టాలి: సహాయన నిరాకరణలో కోదండరాం

By Srinivas

Published: Saturday, February 19, 2011, 14:30 [IST]

హైదరాబాద్: సహాయ నిరాకణలో భాగంగా హైదరాబాద్‌లోని ఆర్టీసీ క్రాస్‌రోడ్స్‌లో ఆందోళన చేస్తున్న తెలంగాణ ఐక్య కార్యాచరణ సమితి చైర్మన్ కోదండరాం, తెలంగాణ రాష్ట్రసమితి సీనియర్ నాయకులు నాయిని నరసింహారెడ్డిని పోలీసులు శుక్రవారం అరెస్టు చేశారు. తెలంగాణ బిల్లును పార్లమెంటులో పెట్టే వరకు పోరాటం కొనసాగుతుందని హెచ్చరించారు. వారి ఆందోళన కారణంగా ఆర్టీసీ క్రాస్‌రోడ్స్‌లో ట్రాఫిక్ పూర్తిగా స్థంభించిపోయింది. కోదండరాంతో సహా సుమారు 200 మంది తెలంగాణ వాదులు పాల్గొన్నారు.

తెలంగాణ ఐకాస పలు ప్రాంతాల్లో ధర్నాలు, రాస్తారోకోలు చేపట్టింది. ఎల్బీనగర్‌ చౌరస్తాలో తెలంగాణ ఐకాస ధర్నా చేపట్టింది. వీరి ధర్నా కారణంగా ఆ ప్రాంతంలో ట్రాఫిక్‌ స్తంభించింది. సోమాజీగూడ కేసీపీ జంక్షన్‌లో తెలంగాన ఐకాస కార్యకర్తలు ఆందోళన చేపట్టారు. పోలీసులు వీరిని అడ్డుకొని పలువురిని అరెస్టు చేశారు. ప్యారడైజ్, ఉప్పల్ చౌరస్తాలలో కూడా భారీగా ఆందోళనకారులు పాల్గొన్నారు.

Published On February 19, 2011