కాంగ్రెస్ నుండి జెడ్పీ చైర్ పర్సన్ కాకాని సస్పెన్షన్ చేసిన డిఎస్

నెల్లూరు: కాంగ్రెస్ పార్టీనుండి శ్రీ పొట్టి శ్రీరాములు నెల్లూరు జిల్లాకు చెందిన జిల్లా పరిషత్ చైర్ పర్సన్ కాకాని గోవర్ధన్ రెడ్డిని ఆ పార్టీ అధ్యక్షులు డి శ్రీనివాస్ సోమవారం సస్పెండ్ చేస్తున్నట్టు ప్రకటించారు. కాకాని పార్టీ వ్యతిరేక కార్యకలాపాలకు పాల్పడినందువల్లనే పార్టీనుండి బహిష్కరించినట్లుగా చెప్పారు.

శాసనమండలి ఎన్నికల్లో పార్టీ కోసం పని చేయాల్సిన కాకాని గోవర్ధన్ రెడ్డి పార్టీకి వ్యతిరేకంగా పని చేసినట్లుగా ఆయన చెప్పారు. పార్టీ అభ్యర్థి గెలుపు కోసం కృషి చేయకుండా ఇతర అభ్యర్థుల గెలుపుకోసం పని చేసినట్టుగా సమాచారం. పార్టీ వ్యతిరేక కార్యకలాపాలకు ఎవరు పాల్పడ్డ ఉపేక్షించేది లేదని ఆయన చెప్పారు.