టాప్ పోస్టుకు పవన్ కళ్యాణ్? నిధి అగర్వాల్ షాకింగ్ జోస్యం..!

ఏపీలో పాతికేళ్ల రాజకీయం పేరుతో జనసేన పార్టీని స్దాపించి రెండు ఎన్నికల తర్వాత కుదురుకున్న పవన్ కళ్యాణ్ ప్రస్తుతం ఇటు సీఎం చంద్రబాబుకూ, అటు ప్రధాని మోడీకి అత్యంత నమ్మకస్తుడిగా మెలుగుతున్నారు. అలాగే గతంలో తాను ప్రవచించిన చెగువేరా, కమ్యూనిస్టు సిద్ధాంతాలు వదిలిపెట్టి సనాతన ధర్మంవైపు అడుగులు వేస్తున్నారు. దీంతో జాతీయ స్ధాయిలోనూ పవన్ కళ్యాణ్ కు ఆదరణ పెరుగుతోంది. ఈ నేపథ్యంలో ఆయన హీరోయిన్ ఒకరు సంచలన వ్యాఖ్యలు చేశారు.

పవన్ కళ్యాణ్ తో గతేడాది హరిహర వీరమల్లు చిత్రంలో నటించిన హీరోయిన్ నిధి అగర్వాల్ ఆయన గురించి తాజాగా ఓ ఇంటర్వ్యూలో షాకింగ్ వ్యాఖ్యలు చేశారు. పవన్ కల్యాణ్ ప్రధాని అవుతారంటూ నిధి అగర్వాల్ వ్యాఖ్యానించారు. పవన్ కల్యాణ్ పై ఆమె ఇంటర్వూలో ప్రశంసల జల్లు కురిపించారు. పవన్ కళ్యాణ్ గొప్ప ధైర్యవంతుడైన నాయకుడని నిధి తెలిపారు. భవిష్యత్తులో ఆయన ప్రధాని అయినా ఆశ్చర్యపోనవసరం లేదని తెలిపింది.

పవన్ కల్యాణ్ ప్రధాని అవుతారు: నిధి అగర్వాల్

టాలీవుడ్ హీరోయిన్ నిధి అగర్వాల్ పవన్ కల్యాణ్ పై ప్రశంసల వర్షం కురిపించారు. పవన్ కళ్యాణ్ గొప్ప ధైర్యవంతుడైన నాయకుడని, భవిష్యత్తులో ఆయన ప్రధాని అయినా ఆశ్చర్యపోనవసరం లేదని పేర్కొన్నారు. pic.twitter.com/uQAPlj0lPr

— ChotaNews App (@ChotaNewsApp) January 21, 2026

పవన్ కళ్యాణ్ కు జోడీగా తాను నటిస్తున్నప్పుడు తన వద్దకు చాలా మంది వ్యక్తులు వచ్చేవారని, వారంతా తమ దేవుడితో కలిసి నటిస్తున్నందుకు తనను అభినందించే వారని నిధి అగర్వాల్ గుర్తుచేసుకున్నారు. పవన్ కళ్యాణ్ నిజంగానే ప్రత్యేక మైన వ్యక్తి అని, ప్రత్యేక వ్యక్తిత్వం కలిగిన వ్యక్తి అని నిధి ప్రశంసల జల్లు కురిపించారు. ఈ సందర్భంగా పవన్ కళ్యాణ్ తో కలిసి పనిచేసిన అనుభవాల్ని సైతం ఆ ఇంటర్వ్యూలో నిధి పంచుకున్నారు. దీంతో ఈ వీడియో సోషల్ మీడియాలో వైరల్ అవుతోంది.