తలైవా రజినీకాంత్ పుట్టినరోజు: మై డియర్ ఫ్రెండ్ అంటూ చంద్రబాబు శుభాకాంక్షలు!!

భారతీయ చలనచిత్ర పరిశ్రమలో ఓ ట్రెండ్ ని సెట్ చేసిన రజినీకాంత్ ఒక్క భారతదేశంలోనే కాదు ప్రపంచవ్యాప్తంగా ప్రతి దేశంలో అభిమానులను సంపాదించుకున్నారు. ప్రస్తుతం తన 73వ పుట్టినరోజును జరుపుకుంటున్న ఆయనకు ప్రముఖుల నుండి శుభాకాంక్షలు వెల్లువగా మారుతున్నాయి. సినీ, రాజకీయ, క్రీడా ప్రముఖులు రజినీకాంత్ కు తమ పుట్టినరోజు శుభాకాంక్షలు తెలియజేస్తున్నారు.

ఇక తాజాగా తమిళ సూపర్ స్టార్ రజినీకాంత్ పుట్టినరోజు సందర్భంగా టిడిపి అధినేత చంద్రబాబు తన పుట్టినరోజు శుభాకాంక్షలు తెలియజేశారు. సోషల్ మీడియా వేదికగా మై డియర్ ఫ్రెండ్ అంటూ రజనీకాంత్ కి పుట్టినరోజు శుభాకాంక్షలు చెప్పిన చంద్రబాబు నాయుడు ఆయన మంచి ఆరోగ్యంతో, సంతోషంతో ఉండాలని కోరుకున్నారు. రజినీకాంత్ చేపట్టిన ప్రతి పనిలోనూ ఆయనకు విజయం చేకూరాలని ట్వీట్ చేశారు.

Birthday greetings to my dear friend, superstar @rajinikanth. I wish him good health, happiness and continued success in all his endeavors. pic.twitter.com/ficz8c1nSL

— N Chandrababu Naidu (@ncbn) December 12, 2023

ఈ సందర్భంగా రజినీకాంత్ తో ఉన్న ఫోటోలు షేర్ చేసిన చంద్రబాబు రజనీకాంత్ తో తనకు ఉన్న సాన్నిహిత్యాన్ని తన ట్వీట్ ద్వారా వ్యక్తం చేశారు. ఇక చంద్రబాబుపై కూడా రజినీకాంత్ అనేకమార్లు బహిరంగం గానే ప్రశంసలు కురిపించారు. చంద్రబాబు గొప్ప విజన్ ఉన్న నాయకుడు అని కొనియాడారు. రాష్ట్రం అభివృద్ధి చెందాలంటే అది చంద్రబాబు తోనే సాధ్యమవుతుందని రజినీకాంత్ కూడా పేర్కొన్నారు.

ఈ క్రమంలో ఆయనను వైసీపీ నేతలు ఎంతగా టార్గెట్ చేసినా రజినీకాంత్ లెక్క చేయలేదు. చంద్రబాబుతో ఉన్న స్నేహాన్ని రజనీకాంత్ అదే విధంగా కొనసాగిస్తూనే ఉన్నారు. ఇక ఇదిలా ఉంటే ఒక చంద్రబాబు మాత్రమే కాదు రజినీకాంత్ కు చాలా మంది ప్రముఖులు శుభాకాంక్షలు తెలియజేశారు.

Birthday greetings to one of the most versatile actors of all time and an icon Sri @rajinikanth Garu.

His career in the film industry & philanthropic engagements has won our hearts.

Wishing you a long & healthy life. pic.twitter.com/4ymx3QYiGl

— G Kishan Reddy (@kishanreddybjp) December 12, 2023

బిజెపి రాష్ట్ర అధ్యక్షుడు కిషన్ రెడ్డి బహుముఖ ప్రజ్ఞాశాలి అయిన నటులలో ఒకరైన రజినీకాంత్ కు పుట్టినరోజు శుభాకాంక్షలు అందజేసి, సినీ పరిశ్రమతో పాటు సేవా రంగంలోనూ రజినీకాంత్ అందరి హృదయాలను గెలుచుకున్నారు అని మీరు సుదీర్ఘమైన ఆయుష్షును, ఆరోగ్యాన్ని పొందాలని కోరుకుంటున్నానని ట్వీట్ చేశారు. ఇక వీరు మాత్రమే కాదు లోకేష్ కనగ రాజ్, ధనుష్, సురేష్ రైనా తదితరులు కూడా రజినీకాంత్ కు బర్త్ డే శుభాకాంక్షలు తెలియజేశారు.

English summary

Today is Thalaiva Rajinikanth's birthday. In this order, Chandrababu congratulated Rajinikanth on social media by saying "My dear friend"