సడెన్ హార్ట్ఎటాక్: కాలేజీలోనే కుప్పకూలిన ఇంజినీరింగ్ విద్యార్థి (వీడియో)

మేడ్చల్ సీఎంఆర్ కాలేజీలో ఓ విద్యార్థి సడెన్ హార్ట్ ఎటాక్‌తో కుప్పకూలిపోయాడు.

హైదరాబాద్: ఇటీవల కాలంలో గుండెపోటు, కార్డియాక్ మరణాలు పెరిగిపోతున్నాయి. ఈ విధమైన మరణాలు యువకుల్లోనే ఎక్కువగా సంభవించడం ఆందోళన కలిగిస్తోంది. తాజాగా, మేడ్చల్ సీఎంఆర్ కాలేజీలో ఓ విద్యార్థి సడెన్ హార్ట్ ఎటాక్‌తో కుప్పకూలిపోయాడు.

ఇంజినీరింగ్ మొదటి సంవత్సరం చదువుతున్న విశాల్ అనే విద్యార్థి ఒక్కసారిగా గుండెపోటు రావడంతో కాలేజీ ఆవరణలోనే కుప్పకూలాడు. కారిడార్‌లో నడుస్తూ ఛాతీలో నొప్పితో ఒక్కసారిగా కిందపడిపోయాడు. వెంటనే తోటి విద్యార్థులు సీఎంఆర్ ఆస్పత్రికి తరలించగా.. అప్పటికే అతడు మృతి చెందినట్లు వైద్యులు నిర్ధారించారు.

పోలీసులు ఈ ఘటనపై కేసు నమోదు చేసుకుని దర్యాప్తు చేస్తున్నారు. కాగా, విశాల్ స్వస్థలం రాజస్థాన్ అని తెలిసింది. కాగా, గుండెపోటుతో మరణిస్తున్నవారిలో యువతే ఎక్కువగా ఉండటం ఆందోళన కలిగిస్తోంది.

Its so Sad, a Btech 1st year #student of CMR Engineering College died, reportedly of #cardiacarrest, suddenly collapsed while walking in the building, in #Medchal, outskirts of #Hyderabad, #Students and official immediately shifted him to hospital, but... 😢#heartattack #CPR pic.twitter.com/Fztq4pYMfq

— Surya Reddy (@jsuryareddy) March 3, 2023

ఇటీవల ఓ పోలీస్ కానిస్టేబుల్ జిమ్ములో కసరత్తులు చేస్తూ ఒక్కసారిగా గుండెపోటుతో మరణించాడు. మరో ఘటనలో నిర్మల్‌లో పెళ్లి వేడుకలో డ్యాన్స్ చేస్తున్న 20 ఏళ్ల యువకుడు అలాగే కుప్పకూలిపోయి ప్రాణాలు కోల్పోయాడు. మారుతున్న జీవనశైలి, ఆహారపు అలవాట్లే గుండెపోటుకు కారణమవుతున్నాయని వైద్యులు చెబుతున్నారు.

English summary

Hyderabad: a engineering student collapsed and died after sudden heart attack in medchal cmr college