RED.Health: భారత్లో 550 నగరాల్లో ఎయిర్ అంబులెన్స్ సేవలు.. ఎక్కడెక్కడంటే..!
హైదరాబాద్ కు చెందిన స్టార్టప్ రెడ్.హెల్త్ (RED.Health), మెడికల్ ఎమర్జెన్సీ రెస్పాన్స్ ప్లాట్ఫారమ్, భారతదేశంలోని 550 కంటే ఎక్కువ నగరాల్లో తన ఎయిర్ అంబులెన్స్ సేవను ప్రారంభించనున్నట్లు ప్రకటించింది. తాజాగా ప్రారంభించిన ఎయిర్ అంబులెన్స్ సేవలు వైద్య సాంకేతికతతో అమర్చబడి ఉన్నాయని పేర్కొంది. ఎయిర్ అంబులెన్స్ లో క్వాలిఫైడ్ క్రిటికల్ కేర్ ప్రొఫెషనల్స్ సిబ్బంది ఉంటారని తెలిపింది. దేశంలోని ఏదైనా భూభాగం లేదా భౌగోళికం ప్రాంతం నుంచి రోగులను సమర్ధవంతంగా తీసుకెళ్లే ఎనిమిది ప్రత్యేక విమానాలు ఉన్నట్లు కంపెనీ వెల్లడించింది.
రెడ్ ఎయిర్ గార్డియన్ మెడికల్ ఎమర్జెన్సీల కోసం ఎయిర్ ట్రాన్స్ఫర్ కాకుండా ఎయిర్పోర్ట్కు బయటికి ఉపరితల రవాణాను కూడా అందిస్తుంది.భారత అంతటా ఉన్న విమానాశ్రయాలలో 25 కంటే ఎక్కువ విమానాలు, ప్రపంచంలోని వివిధ ప్రాంతాలలో 10కి పైగా విమానాలు పార్క్ చేయడానికి అనుమతి ఉన్నట్లు చెప్పింది. సంస్థ రాయ్పూర్, బెంగళూరు, హైదరాబాద్, ముంబై, ఢిల్లీ-NCR వంటి నగరాల నుంచి ఎయిర్ అంబులెన్స్ సేవులు చురుకుగా అందిస్తోంది. దుబాయ్, అబుదాబి, మస్కట్, దోహా వంటి మధ్యప్రాచ్య దేశాలలోని ఈ కంపెనీ తన సేవలను అందజేస్తోంది.
"RED.Health వద్ద, మేము కేవలం 15 నిమిషాల్లో రోగిని చేరుకోవడంలో గర్వపడుతున్నాము. ఒక అడుగు ముందుకు వేస్తూ, ప్రత్యేకమైన లేదా దృఢమైన వైద్య సదుపాయాలు అందుబాటులో లేని దేశంలోని ప్రాంతాల్లో మరింత ఎక్కువ మంది ప్రాణాలను కాపాడేందుకు మేము ఇప్పుడు సన్నద్ధమయ్యాము" అని RED.Health వ్యవస్థాపకుడు, CEO ప్రభదీప్ సింగ్ తెలిపారు. "మా ఎయిర్ అంబులెన్స్ సేవ అత్యవసర పరిస్థితుల్లో ప్రత్యేక వైద్య సదుపాయానికి ఎక్కువ దూరం బదిలీ చేయాల్సిన రోగులకు సహాయం చేస్తుంది" అని సింగ్ తెలిపారు.
100కి పైగా ఆసుపత్రులు, 70 సంస్థలతో భాగస్వామ్యం కలిగి ఉన్న RED AIR గార్డియన్ ఇప్పుడు హెలికాప్టర్లను ఉపయోగించి రోగులను సవాలుగా ఉన్న, యాక్సెస్ చేయలేని ప్రాంతాల నుంచి రవాణా చేయడానికి ప్రయత్నాలు చేస్తోంది.
Click it and Unblock the Notifications
Sign in with Google