రాహుల్ గాంధీకి ఫేస్ బుక్ షాక్-ఆ వివాదాస్పద ఫొటో తొలగింపు- తమ పాలసీకి విరుద్ధమంటూ

ఢిల్లీకి చెందిన తొమ్మిదేళ్ల బాలిక అత్యాచారానికి, హత్యకు గురి కావడంతో ఆమె కుటుంబ సభ్యుల్ని పరామర్శించి ఆ పోస్టును ఇన్ స్టా గ్రామ్ లో పెట్టిన కాంగ్రెస్ ఎంపీ రాహుల్ గాంధీకి ఇవాళ గట్టి ఎదురుదెబ్బ తగిలింది. రాహుల్ గాంధీ పెట్టిన వివాదాస్పద పోస్టుపై విమర్శలు రావడంతో దీన్ని తొలగిస్తున్నట్లు ఫేస్ బుక్ ఇవాళ తెలిపింది. ఇదే విషయాన్ని రాహుల్ గాంధీకి కూడా తెలియజేసింది.

తమ నిబంధనలకు విరుద్ధంగా ఉన్న వివాదాస్పద పోస్టును తొలగిస్తున్నట్లు రాహుల్ గాంధీకి ఫేస్ బుక్ సమాచారం ఇచ్చింది ఇప్పటికే ఈ పోస్టును తొలగించాలని రాహుల్ గాంధీని ఫేస్ బుక్ కోరింది అయితే ఆయన దీన్ని తొలగించేందుకు నిరాకరించారు. దీంతో ఫేస్ బుక్ తానే ఈ పోస్టును తొలగిస్తూ నిర్ణయం తీసుకుంది. ఇన్ స్టా గ్రామ్ లో ఉన్న ఈ పోస్టు తమ నిబంధనలకు ఎలా విరుద్ధంగా ఉందో వివరిస్తూ ఆయనకు మెయిల్ పంపింది.

ఇన్ స్టా గ్రామ్ లో రాహుల్ గాఁధీ పెట్టిన పోస్టుపై జాతీయ బాలల హక్కుల కమిషన్ నుంచి ఆయనతో పాటు ఫేస్ బుక్ కూ సమన్లు అందాయి. దీంతో ఫేస్ బుక్ చర్యలకు దిగింది. వాస్తవానికి ట్వి్ట్టర్ లోనూ రాహుల్ గాంధీ ఇదే పోస్టు పెట్టగా దాన్ని కూడా సోషల్ మీడియా దిగ్గజం తొలగించింది. ఇప్పుడు ఫేస్ బుక్ కూడా ఇన్ స్టా గ్రామ్ లో రాహుల్ పోస్టు తొలగించడం సంచలనం రేపుతోంది. ఇప్పటికే సోషల్ మీడియా దిగ్గజాల్ని కేంద్రం నియంత్రిస్తోందంటూ రాహుల్ తీవ్ర విమర్శలు చేస్తున్న నేపథ్యంలో ఫేస్ బుక్, ట్విట్టర్ నిర్ణయాలు చర్చనీయాంశంగా మారాయి. గతంలో ట్విట్టర్ నిర్ణయంపై విమర్శలు చేసిన రాహుల్.. ఇప్పుడు ఫేస్ బుక్ నిర్ణయంపై ఇప్పటిదాకా స్పందించలేదు. తాజాగా కాంగ్రెస్ పార్టీ ట్విట్టర్ హ్యాండిల్స్ ను కూడా నిలిపేయడం చర్చనీయాంశమైంది.

English summary

setback to congress mp rahul gandhi, facebook has removed his controversial post with dalit victim's family.