రతన్ టాటా ప్రతీకారం కూడా ఎంత అద్భుతంగా ఉంటుందో తెలుసా ?

వృద్ధాప్యం, అనారోగ్య సమస్యలతో కన్నుమూసిన పారిశ్రామిక దిగ్గజం రతన్ టాటా తన సుదీర్ఘ జీవితాన్ని ఎంతో నిరాడంబరంగా, అందంగా, విలువలతో జీవించేందుకు ప్రయత్నించారు. ఇదే క్రమంలో రతన్ టాటా మరణం నేపథ్యంలో ఆయన సాధించిన విజయాలతో పాటు ఆయన దాతృత్వ గుణంపైనా తీవ్రంగా చర్చ జరుగుతోంది. అదే సమయంలో ఆయన గురించి తెలియని ఎన్నో అంశాలు కూడా బయటికి వస్తున్నాయి. కానీ ఈ తరానికి తెలియని టాటా అందమైన ప్రతీకారం గురించి తెలుసుకుందాం..

దేశంలోనే తొలి లక్ష రూపాయల కారుగా నానోను తీసుకొచ్చిన విషయం చాలా మందికి తెలుసు. కానీ 1998లో తొలి పాసింజర్ హ్యాష్ బ్యాక్ కారు టాటా ఇండికాను తెచ్చేందుకు కూడా రతన్ టాటా ఎంతో శ్రమించారు. భారత్ వంటి దేశాల్లో ప్రయాణికుల అవసరాల్ని దష్టిలో ఉంచుకుని తయారు చేసిన తొలి దేశీయ హ్యాష్ బాగ్ కారు అది. అయితే ఇది ఇక్కడి జనాన్ని ఆరంభంలో అంతగా ఆకట్టులేకపోయింది. దీంతో నష్టాల్ని భరించలేక టాటా మోటార్స్ దీన్ని అమెరికా కంపెనీ ఫోర్డ్ కు అమ్మాలని భావించారు.

దీంతో ఇండికా కొనాలనే ఉద్దేశంతో బోంబే హౌస్ లోని టాటా హెడ్ క్వార్టర్స్ కు ఫోర్ట్ ప్రతినిధులు వచ్చారు. తొలి దపా చర్చల తర్వాత అమెరికాలో రెండో దశ చర్చలకు రతన్ టాటాతో పాటు టాటా ప్రతినిధులు కూడా వెళ్లారు. అయితే అక్కడ మాత్రం వారికి అవమానాలు తప్పలేదు. డెట్రాయిట్ లో మూడు గంటల పాటు జరిగిన ఈ భేటీలో ఫోర్డ్ ప్రతినిధి.. టాటా మోటార్స్ ప్రతినిధులను ఉద్దేశించి మీకేమీ తెలియదు, పాసింజర్ కార్ల విభాగం ఎందుకు మొదలుపెట్టారంటూ నీచంగా మాట్లాడారు.
ఇండికా కొనడం ద్వారా మీకు మేలు చేస్తున్నామన్నారు. దీంతో రతన్ టాటా అర్ధాంతరంగా బయటికి వచ్చేశారు.

కానీ ఆ తర్వాత అదే ఇండికాను పట్టుదలగా ప్రయత్నించి మార్పులు చేసి రతన్ టాటా సక్సెస్ అయ్యారు. దీంతో ఇండికాను ఎవరికీ అమ్మాల్సిన అవసరం లేకుండా పోయింది. కానీ పదేళ్ల తర్వాత అమెరికాలో వచ్చిన ఆర్దిక మాంద్యం కారణంగా ఫోర్డ్ కంపెనీ కుదేలైంది. దీంతో తమ బ్రాండ్లు జాగ్వార్, ల్యాండ్ రోవర్ లు అమ్ముకోవాల్సిన పరిస్ధితికి వచ్చింది. విషయం తెలుసుకున్న రతన్ టాటా ఫోర్డ్ ప్రతినిధుల్ని రప్పించుకుని వాటిని టేకోవర్ చేస్తానని చెప్పేసారు. దీంతో టాటా చేసిన మేలును ఫోర్డ్ ప్రతినిధులు బహిరంగంగానే చెప్పుకున్నారు. అదీ టాటా అందమైన ప్రతీకారం.

English summary

ratan tata's revenge also beautiful as his life and his take over of jaguar and land rover brands after ford's past insult has proved it.