Imran Khan : పాక్ మాజీ ప్రధాని ఇమ్రాన్ ఖాన్ కు ఊరట-అరెస్టు చేయొద్దన్న లాహోర్ కోర్టు..
పాకిస్తాన్ మాజీ ప్రధాని ఇమ్రాన్ ఖాన్ ను అవినీతి ఆరోపణలపై అరెస్టు చేసేందుకు పోలీసులు చేసిన ప్రయత్నాలు ఉద్రిక్తతలకు కారణమయ్యాయి.
లాహోర్: అవినీతి ఆరోపణలు ఎదుర్కొంటున్న పాకిస్తాన్ మాజీ ప్రధాని ఇమ్రాన్ ఖాన్ అరెస్టు కోసం పోలీసులు చేపట్టిన ఆపరేషన్ కు ఇవాళ బ్రేక్ పడింది. ఇమ్రాన్ అరెస్టు కోసం పోలీసులు చేస్తున్న ప్రయత్నాలను ఆయన మద్దతుదారులు తీవ్రంగా ప్రతిఘటించడంతో ఉద్రిక్త పరిస్ధితులు నెలకొన్నాయి. ఈ క్రమంలోనే ఇమ్రాన్ లాహోర్ కోర్టును ఆశ్రయించారు.
ఇమ్రాన్ ఖాన్ పిటిషన్ పై ఇవాళ విచారణ జరిపిన లాహోర్ కోర్టు.. ఆయన్ను అరెస్టు చేసేందుకు చేపట్టిన ఆపరేషన్ ను రేపు ఉదయం 10 గంటల వరకు నిలిపివేయాలని పోలీసులను ఆదేశించింది. లాహోర్లోని ఇమ్రాన్ ఇంటి వెలుపల ఇవాళ కూడా ఆయన మద్దతుదారులకూ, పోలీసులకూ మధ్య తీవ్ర ఉద్రిక్త పరిస్ధితులు చోటు చేసుకున్నాయి. ఇమ్రాన్ మద్దతుదారులపై పోలీసులు బలప్రయోగానికి దిగడం, బాష్పవాయువులను ప్రయోగించడంతో కోపంగా ఉన్న గుంపు రాళ్లను విసిరింది.
ఇమ్రాన్ ఖాన్ మద్దతుదారులను ఆయన ఇంటి నుండి దూరంగా పంపేందుకు పోలీసు బృందాలు ప్రయత్నించాయి. ఆయన మద్దతుదారులపై జల ఫిరంగులు, టియర్ గ్యాస్ ప్రయోగించారు. ఈ నేపథ్యంలో లాహోర్ హైకోర్టు ఆదేశాలతో పోలీసులు అక్కడి నుంచి వెనుదిరిగారు. మరోవైపు తోషాఖానా అవినీతి కేసులో ఇమ్రాన్ ఖాన్ గతేడాది ప్రధానిగా ఉన్న సమయంలో విదేశీ ప్రముఖుల నుంచి పొందిన బహుమతులను అక్రమంగా విక్రయించినట్లు తేలింది. పోలీసులు జారీ చేసిన సమన్లను ఆయన పట్టించుకోకోపవడంతో అరెస్టుకు ప్రయత్నించారు. దీనిపై లాహోర్ హైకోర్టు ఆదేశాల తర్వాత పోలీసులు తదుపరి చర్యలు చేపట్టనున్నారు.
ఈ రోజు మధ్యాహ్నం ఇంటి వైపు నుండి పోలీసుల గుంపులు గందరగోళంగా నడుస్తున్నాయి.
"ఇమ్రాన్ ఖాన్కు హాని చేయడానికి పంపిన పోలీసులు మరియు రేంజర్లను ప్రజలు వెనక్కి నెట్టారు" అని అతని అధికారిక పాకిస్తాన్ తెహ్రీక్-ఇ-ఇన్సాఫ్ (పిటిఐ) పార్టీ ట్వీట్ చేసింది, మద్దతుదారులు అతని ఇంటి వెలుపల సంబరాలు చేసుకుంటున్న వీడియోతో పాటు.మరో వీడియోలో ఇమ్రాన్ ఖాన్ పార్టీ కార్యకర్తలు మరియు అతని మద్దతుదారులను కలవడానికి ముసుగులో తన నివాసం నుండి బయటకు వచ్చినట్లు చూపించారు.
Click it and Unblock the Notifications
Sign in with Google