పోలా.. అదిరిపోలా.. కాంగ్రెస్ ప్లెక్సీలో టీఆర్ఎస్ నేత ఫోటో.. మరీ పార్టీ మార్పు ఖాయమేనా..?

తెలంగాణ రాష్ట్రంలో ఇప్పటికిప్పుడు ఎన్నికలు లేవు. ఏడాదిన్నర తర్వాతే.. కానీ నేతలు మాత్రం ఇప్పటినుంచే సీట్లను సర్దుబాటు చేసుకుంటారు. ఎక్కడి నుంచి ఏ పార్టీ ద్వారా పోటీలో ఉంటామో స్పష్టం చేస్తున్నారు. వారు అనుచరులతో చెప్పడమో.. బహిరంగ చర్యల ద్వారా తెలుస్తోంది. మరికొందరు సదరు పార్టీలో చేరకున్నా ప్లెక్సీలలో ఫోటో దర్శనం ఇస్తోంది. అలా నల్గొండ జిల్లాలో ప్లెక్సీలో నేత ఫోటో కనిపించింది. ఇంకేముంది అతను పార్టీ మారడం తథ్యం అని అర్థం అవుతుంది.

వేముల వీరేశం ఫోటో..

నల్లగొండ జిల్లా కాంగ్రెస్ పార్టీ ఫ్లెక్సీలో టీఆర్ఎస్ నేత వేముల వీరేశం ఫోటో కనిపించింది. గత కొంతకాలంగా వీరేశం టీఆర్ఎస్ పార్టీకి దూరంగా ఉంటున్నారు. దీంతో ఆయన కాంగ్రెస్ పార్టీలో చేరతారనే ఊహాగాలు కొనసాగుతున్నాయి. సరిగ్గా ఈ సమయంలోనే కాంగ్రెస్ పార్టీ ఫ్లెక్సీలో వేముల వీరేశం ఫోటో ఉండటం కలకలం రేపుతోంది. వేముల వీరేశం కాంగ్రెస్ పార్టీలో చేరటం ఖాయమేనని ఇండైరెక్టుగా సిగ్నల్ ఇచ్చారు.

రేవంత్, కోమటిరెడ్డి..

నార్కెట్ పల్లి మండలం అమ్మబోలులో పీసీసీ చీఫ్ రేవంత్ రెడ్డి, కోమటిరెడ్డి వెంకటరెడ్డి స్వాగత ఫ్లెక్సీ ఏర్పాటు చేశారు. ఇందులో నకిరేకల్ టీఆర్ఎస్ మాజీ ఎమ్మెల్యే వేముల వీరేశం ఫోటో కనిపించింది. దీంతో ఆయన కాంగ్రెస్ గూటికి చేరతారనే ప్రచారానికి మరింత బలం చేకూరింది. ఈ ఫోటోతో అదీ నిజం కానుంది. కానీ అధికారికంగా వీరేశం ప్రకటించాల్సి ఉంటుంది. కానీ అప్పటివరకు ఊహాగానాలు మాత్రం కొనసాగుతూనే ఉంటాయి.

డిష్యూం.. డిష్యూం...

నల్గొండ జిల్లా నకిరేకల్‌ టీఆర్ఎస్‌లో రెండు వర్గాల మధ్య ఘర్షణ జరిగింది. మే డే సందర్భంగా జెండా ఎగురవేస్తున్న మాజీ ఎమ్మెల్యే వేముల వీరేశం వర్గీయులను ఎమ్మెల్యే లింగయ్య వర్గీయులు అడ్డుకున్నారు. పార్టీతో సంబంధం లేని మాజీ ఎమ్మెల్యే వేముల వర్గీయులు కార్యక్రమం ఎలా చేస్తారని లింగయ్య వర్గం నేతలు ప్రశ్నించారు. దీంతో రెండు వర్గాల మధ్య గొడవ జరిగింది. నేతలు బాహాబాహీకి దిగారు. అప్పుడు పోలీసులు జోక్యం చేసుకుని రెండు వర్గాలను చెదరగొట్టారు. కానీ ఇప్పుడు ఏకంగా ఫ్లెక్సీలో ఫోటో రావడంతో పార్టీ మారడం పక్కా అని అర్థం చేసుకోవాల్సి ఉంటుంది.

ప్లాన్

రాష్ట్రంలో ఎన్నికలు రావడానికి చాలా సమయమే ఉంది. కానీ నేతలు మాత్రం ఇప్పటికే ప్లాన్ చేసుకుంటున్నారు. తమ నియోజకవర్గం.. పార్టీ, క్యాడర్ రెడీ చేసుకుంటున్నారు. కొందరు టికెట్ కన్ఫామ్ కాక ముందే ప్రచారం చేసుకుంటున్నారు.

English summary

trs leader vemula veeresham may party changed. his photo in congress party flexi at nalgonda.