బిజెపి తెలంగాణ విమోచన సంకల్ప సభకు రాజ్నాథ్ సింగ్, గట్టి భద్రత
తెలంగాణ విమోచన దినోత్సవాన్ని అధికారికంగా నిర్వహించాలనే డిమాండుతో బిజెపి తెలంగాణ విమోచన సంకల్ప సభను తలపెట్టింది.
హైదరాబాద్: తెలంగాణ విమోచన దినోత్సవాన్ని అధికారికంగా నిర్వహించాలనే డిమాండుతో బిజెపి తెలంగాణ విమోచన సంకల్ప సభను తలపెట్టింది.
నిజామాబాద్ పాలిటెక్నిక్ కళాశాల మైదానంలో ఆదివారం మధ్యాహ్నం 2 గంటలకు సభ జరగనుంది. రాష్ట్రం నలుమూలల నుంచి బిజెపి శ్రేణులు, ప్రజలు అధిక సంఖ్యలో సభకు తరలి వచ్చేలా ఆ పార్టీ నాయకులు చూస్తున్నారు.
ఈ సభకు కేంద్ర హోంమంత్రి రాజ్నాథ్ సింగ్ హాజరు కానున్నారు. ఈ నేపథ్యంలో పోలీసు యంత్రాంగం అప్రమత్తమైంది. శనివారమే సభాస్థలిని పూర్తిగా తమ ఆధీనంలోనికి తీసుకున్నారు.
సభాస్థలి వద్ద ఏర్పాట్లకు సంబంధించి ఆ పార్టీ నేతలు ప్రేమేందర్ రెడ్డి, యెండల లక్ష్మీనారాయణ తదితరులు శనివారం పరిశీలించారు. బహిరంగ సభకు లక్ష మందికి సరిపడా ఏర్పాట్లు చేసినట్లు బిజెపి జిల్లా అధ్యక్షులు పల్లె గంగారెడ్డి తెలిపారు.
Click it and Unblock the Notifications
Sign in with Google