పవన్ కళ్యాణ్ తెలంగాణ రాజకీయాల్లో జోక్యం చేసుకుంటే జరిగేదిదే: కవిత హెచ్చరిక!
పవన్ కళ్యాణ్ పై టీఆర్ఎస్ చీఫ్ కల్వకుంట్ల కవిత మరోమారు తీవ్ర వ్యాఖ్యలు చేశారు. హనుమకొండ జిల్లాలో నేడు జరిగిన ప్రెస్ మీట్లో టీఆర్ఎస్ రాష్ట్ర వ్యవస్థాపక అధ్యక్షురాలు కల్వకుంట్ల కవిత ఏపీ డిప్యూటీ సీఎం పవన్ కళ్యాణ్పై తీవ్ర వ్యాఖ్యలు చేశారు. తెలంగాణలో బలమైన ప్రతిపక్షం ఏర్పాటు కోసం ప్రజలు ఎదురు చూస్తున్నారని, అందుకోసమే తమ పార్టీ పుట్టిందని ఆమె స్పష్టం చేశారు.
తెలంగాణ రాజకీయాల్లో జోక్యం చేసుకోవద్దు అన్న కవిత
పవన్ కళ్యాణ్ తెలంగాణకు రావచ్చు, సినిమాలు తీసుకోవచ్చు, ప్యాకప్, మేకప్ చేసుకోవచ్చు. పవన్ కళ్యాణ్ సినిమాలు చూసి మేం కూడా చప్పట్లు కొట్టొచ్చు. నైజాంలో అన్ని ప్రాంతాల కంటే ఎక్కువ కలెక్షన్లు వస్తాయని, అక్కడివరకే ఉంటే బాగుంటుంది. కానీ తెలంగాణ రాజకీయాల్లో జోక్యం చేసుకోవద్దు అని, జోక్యం చేసుకుంటే చూస్తూ ఊరుకోమని కవిత హెచ్చరించారు. ఆంధ్రప్రదేశ్లో రాజకీయాలు చేసుకోవాలని, తెలంగాణలో సినిమాలు తీయాలని సూచించారు.
పవన్ కళ్యాణ్ ఫ్యాన్స్ పుట్టకముందే తెలంగాణ నినాదం పుట్టింది
తెలంగాణ ఉద్యమం ఆంధ్ర నిరంకుశ పాలన నుంచి బయటపడడం కోసమే జరిగిందని గుర్తు చేశారు. స్వరాష్ట్రం కోసం ఎంతోమంది బలిదానాలు చేశారు. పవన్ కళ్యాణ్ ఫ్యాన్స్ పుట్టకముందే తెలంగాణ నినాదం పుట్టింది అని ఆమె వ్యాఖ్యానించారు. పవన్ కళ్యాణ్ తెలంగాణలో రాజకీయంగా ఫిట్ కాదని స్పష్టం చేశారు. తెలంగాణ సెక్రటేరియట్ వైపు చూస్తే తాము ఊరుకోమని, పవన్ కళ్యాణ్కు బలమైన వార్నింగ్ ఇచ్చారు.
స్వరాష్ట్రంలో ఇతర రాష్ట్రాల నాయకులు జోక్యం చేసుకోవడం సరికాదు
ఆంధ్రప్రదేశ్లో అధికారంలో ఉన్నప్పటికీ తెలంగాణలో రాజకీయాలు చేయడానికి వీలు లేదని ఆమె అన్నారు. తెలంగాణ యువతకు ఒకటే చెప్తున్నా పవన్ కళ్యాణ్ ని హీరోగానే చూడండి అంటూ కవిత హితవు పలికారు. గతంలో తెలంగాణ భాషను వెక్కిరించి రాష్ట్రాన్ని కబ్జా చేసిన చరిత్రను గుర్తు చేస్తూ, మళ్లీ అలాంటి ప్రయత్నాలను అనుమతించమని హెచ్చరించారు. తెలంగాణ ఉద్యమం ద్వారా సాధించుకున్న స్వరాష్ట్రంలో ఇతర రాష్ట్రాల నాయకులు జోక్యం చేసుకోవడం సరికాదని అన్నారు.
కవిత వ్యాఖ్యలతో తీవ్ర చర్చ
ప్రజలు ఇప్పుడు బలమైన ప్రతిపక్షాన్ని కోరుకుంటున్నారని, దానికి తమ పార్టీ సిద్ధంగా ఉందని విశ్వాసం వ్యక్తం చేశారు. కవిత వ్యాఖ్యలు పవన్ కళ్యాణ్ అభిమానులు మరియు జనసేన కార్యకర్తల మధ్య తీవ్ర చర్చలకు దారితీస్తున్నాయి. తెలంగాణ-ఆంధ్రప్రదేశ్ మధ్య సంబంధాలు, రాజకీయ సమీకరణాలు మళ్లీ హాట్ టాపిక్గా మారాయి. రాబోయే రోజుల్లో ఈ వ్యాఖ్యలు మరిన్ని రాజకీయ పరిణామాలకు దారితీయవచ్చని విశ్లేషకులు అంచనా వేస్తున్నారు.
Click it and Unblock the Notifications
Sign in with Google