హైదరాబాద్ కు మరో మణిహారం..దేశంలోనే రెండో నెట్ఫ్లిక్స్ ఆఫీస్ ప్రారంభం.. ఎప్పుడంటే!
హైదరాబాద్ లోకి మరో అంతర్జాతీయ సంస్థ ఎంట్రీ ఇవ్వబోతోంది. ఇప్పటికే పలు జాతీయ, అంతర్జాతీయ దిగ్గజాలకు నెలవైన హైదరాబాద్ నగరంలో ప్రముఖ ఓటీటీ, vfx, వర్చువల్ ప్రొడక్షన్ హౌస్ నెట్ ఫ్లిక్స్ స్టూడియోస్ తమ కార్యాలయాన్ని ఏర్పాటు చేయనుంది. ముఖ్యమంత్రి రేవంత్ రెడ్డి, ఐటీ పరిశ్రమల శాఖ మంత్రి దుద్దిళ్ల శ్రీధర్ బాబు ఈనెల 12వ తేదీన ఈ నూతన కార్యాలయాన్ని ప్రారంభిస్తారు.
భారతదేశంలో నెట్ ఫ్లిక్స్ యొక్క రెండవ ప్రధాన కేంద్రం
30 వేల చదరపు అడుగులు విస్తీర్ణంతో రూపు దిద్దుకుంటున్న ఈ కార్యాలయం భారతదేశంలో నెట్ ఫ్లిక్స్ యొక్క రెండవ ప్రధాన కేంద్రంగా ఉంటుంది. భారతదేశంలో పదేళ్ల ప్రస్థానం పూర్తి చేసుకున్న నెట్ ఫ్లిక్స్ తన విస్తరణ ప్రణాళికలలో భాగంగా హైదరాబాద్ ని ఎంపిక చేసుకొని ఇక్కడ కార్యాలయాన్ని ఏర్పాటు చేయడం హైదరాబాద్ ప్రాధాన్యతను చాటి చెప్తోంది. హైదరాబాద్ ఇప్పటికే అనేక ప్రపంచ ప్రఖ్యాత విఎఫ్ఎక్స్ సంస్థలకు నిలయంగా మారింది.
హైదరాబాద్లోని ఏ వి జి సి మరింత బలోపేతం
డిస్నీ, స్కై లైన్ వీఎఫ్ఎక్స్, మాట్టెల్, వార్నర్ బ్రదర్స్, ఎలక్ట్రానిక్ ఆర్ట్స్, యూబీ సాఫ్ట్, బార్న్ స్ట్రోమ్ vfx వంటి దిగ్గజాలు ఇప్పటికే హైదరాబాద్ నుండి హాలీవుడ్ చిత్రాలకు సేవలను అందిస్తున్నాయి. ఈ క్రమంలో నెట్ ఫ్లిక్స్ తీసుకున్న ఈ నిర్ణయం హైదరాబాద్లోని ఏ వి జి సి యానిమేషన్, విజువల్ ఎఫెక్ట్స్, గేమింగ్ అండ్ కామిక్స్ రంగాన్ని మరింత బలోపేతం చేస్తుందని ప్రభుత్వం ఆశాభావం వ్యక్తం చేస్తోంది.
ఏవిజిసి నైపుణ్య అభివృద్ధికి దోహదం
నెట్ఫ్లిక్స్ హైదరాబాద్ లో ఎంట్రీ ఇవ్వడంతో సృజనాత్మకతతో పాటు సాంకేతిక ప్రతిభ గల యువతకు గణనీయమైన ఉద్యోగ అవకాశాలు లభిస్తాయని ప్రభుత్వ వర్గాలు చెబుతున్నాయి. నెట్ఫ్లిక్స్ ఏర్పాటు ద్వారా అధునాతన స్కిల్స్ నేర్చుకోవడానికి, ఏవిజిసి నైపుణ్య అభివృద్ధికి దోహదం చేస్తుందన్న అభిప్రాయం కూడా వ్యక్తమవుతోంది. ఇప్పటికే డిజిటల్ కంటెంట్ సృష్టిలో హైదరాబాద్ దూసుకుపోతుంది.
హైదరాబాద్ ను అగ్రగామిగా నిలబెట్టే దిశగా ముందడుగు
ఈ క్రమంలో నెట్ఫ్లిక్స్ కూడా రావడంతో డిజిటల్ కంటెంట్ సృష్టికి హైదరాబాద్ ను అగ్రగామిగా నిలబెట్టే దిశగా ఈ ముందడుగు పడుతుంది. తెలంగాణ ప్రభుత్వం ఇన్నోవేషన్ మరియు క్రియేటివ్ పరిశ్రమల అభివృద్ధికి అందిస్తున్న ప్రోత్సాహానికి ఈ విస్తరణ బలం చేకూరుస్తుందని అధికారులు ఆశాభావం వ్యక్తం చేస్తున్నారు.
-
మూసీ తీరాన ఆధ్యాత్మిక వైభవం.. 700 కోట్లతో భారీ ఆలయాల ప్రాజెక్ట్.. సీఎం శంకుస్థాపన -
తల్లిదండ్రులను నిర్లక్ష్యం చేస్తే 15శాతం వేతనం వారి బ్యాంకు ఖాతాల్లో.. సభలో కీలక బిల్లు! -
ఆర్టీవో ఆఫీసులకు తిరిగే పని లేకుండా తెలంగాణా వాహనదారులకు సీఎం రేవంత్ శుభవార్త! -
ఓటీటీలో జనాలు ఎగబడి చూస్తున్న సినిమా ఇదే.. మీరు చూశారా? -
ఓటీటీలోకి తెలుగు కామెడీ మూవీ.. నాన్ స్టాప్ నవ్వుల జాతర షురూ..! -
IPL ప్రారంభం వేళ వారికి సజ్జనార్ హెచ్చరికలు..!! -
హైదరాబాద్ లో దంచికొడుతున్న భారీ వర్షం.. -
హైదరాబాద్ జూపార్క్ లో వింత జంతువు.. భారీగా తరలివస్తున్న పర్యటకులు -
తెలంగాణాకు వరుణ సందేశం.. ఈ జిల్లాలలో వర్షాలు.. ఎల్లో అలెర్ట్! -
ఏపీ, తెలంగాణాకు కార్మికులకు గండంగా ఇరాన్ ఇజ్రాయెల్ యుద్ధం! -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఈ సినిమా చూస్తే ఈఎంఐల జోలికే పోరు సామి!
Click it and Unblock the Notifications
Sign in with Google