వీసా మోసం: భారత దౌత్యాధికారిణి అరెస్ట్

న్యూయార్క్: తన సహాయకురాలి వీసా దరఖాస్తు విషయంలో అవకతవకలకు పాల్పడిన ఆరోపణలతో అమెరికాలోని భారతీయ దౌత్య కార్యాలయంలో ఉన్నతాధికారిగా విధులు నిర్వహిస్తున్న దేవయాని కోబ్రాగాడెను గురువారం అమెరికా అధికారులు అరెస్ట్ చేశారు. కాగా రూ. 25 వేల అమెరికన్ డాలర్లు చెల్లించిన దేవయాని కస్టడీ నుంచి విడుదలయ్యారని మాన్ హట్టన్‌లోని అత్యున్నత ఫెడరల్ ప్రాసిక్యూటర్ ప్రీతి బరార్ శుక్రవారం వెల్లడించారు.

భారత దేశం నుంచి వ్యక్తిగత సహాయకురాలిని తీసుకువచ్చే క్రమంలో వీసా కోసం పలు తప్పుడు పత్రాలు సమర్పించినట్లు ఆమెపై ఆరోపణలు రుజువు కావడంతో దేవయానిని గురువారం ఉదయం లా ఎన్ ఫోర్స్ మెంట్ ఉన్నతాధికారులు అరెస్ట్ చేసినట్లు ప్రీత్ భరార్ గురువారం తెలిపారు.

ఈ నేపథ్యంలో భారత దౌత్య కార్యాలయ అధికారులు అమెరికా ప్రభుత్వాన్ని సంప్రదించడంతో దేవయాని కోబ్రాగాడె శుక్రవారం జరిమానాను చెల్లించి విడుదలయ్యారు. దేవయానిపై కఠిన చర్యలు తీసుకునేందుకు తాము సిద్ధంగా ఉన్నట్లు వాషింగ్టన్‌లోని భారతీయ దౌత్య కార్యాలయం ఇప్పటికే అమెరికా ప్రభుత్వానికి స్పష్టం చేసింది.

న్యూయార్క్‌లోని భారతీయ దౌత్య కార్యాలయంలో డిప్యూటీ కాన్సల్ జనరల్‌గా విధులు నిర్వహిస్తున్న దేవయాని కోబ్రాగాడె, అమెరికాలో భారత రాజకీయ, ఆర్థిక, వాణిజ్య, మహిళా విభాగాల వ్యవహారాలను పర్యవేక్షిస్తున్నారు.

English summary

India's Deputy Consul General in New York Devyani Khobragade who was arrested for allegedly presenting fraudulent documents in support of a visa application for an Indian national employed by her, has been released today from custody on a USD 25,000 bond.