T20 World Cup: వీవర్ షిప్ లో సరికొత్త రికార్డు..! టాప్ మ్యాచ్ ఇదే ..!

భారత్-శ్రీలంక సంయుక్తంగా ఆతిథ్యమిచ్చిన టీ20 వరల్డ్ కప్ (T20 World cup 2026) నాకౌట్ దశకు చేరుకుంది. ఇవాళ దక్షిణాఫ్రికా-న్యూజీలాండ్ మధ్య తొలి సెమీ ఫైనల్, రేపు భారత్-ఇంగ్లాండ్ మధ్య రెండో సెమీ ఫైనల్ జరగబోతున్నాయి. ఈ నెల 8న ఫైనల్ జరుగుతుంది. అయితే ఈ టోర్నీకి ప్రేక్షకాదరణ గతంలో ఎన్నడూ లేనంత స్ధాయిలో పతాకస్థాయికి చేరుకుంది. గతంలో జరిగిన ఏ టీ20 వరల్డ్ కప్ కూ లేనంత స్ధాయిలో అత్యధిక మంది ఈ మెగా టోర్నీని చూశారు.

ఈసారి టీ20 వరల్డ్ కప్ ను వీక్షించిన వారి సంఖ్య 500 మిలియన్లు దాటిపోయింది. ఇంకా మూడు మ్యాచ్ లు మిగిలి ఉన్నాయి. వీటితో ఈ సంఖ్య 600 మిలియన్లను టచ్ చేసినా ఆశ్చర్యం లేదు. ఈ వివరాల్ని ఐసీసీ అధ్యక్షుడు జై షా స్వయంగా ట్వీట్ చేశారు. టీ20 వరల్డ్ కప్ ప్రయాణం ఇప్పటివరకు అత్యంత గ్లోబల్ & యాక్సెస్బుల్ క్రికెట్ ఈవెంట్‌గా మార్చాలనే ఆశయంతో ప్రారంభమైందని ఆయన తెలిపారు. భారతదేశంలో ఈ ఈవెంట్‌కు వీక్షకుల సంఖ్య 500 మిలియన్లు దాటిందని నేను వినయంగా ప్రకటిస్తున్నానని తెలిపారు. ఇది చరిత్రలో ఏ టీ20 ప్రపంచ కప్‌కైనా అత్యధికం అన్నారు.

The journey of the @ICC #T20WorldCup 2026 began with the ambition to make it the most #global & #accessible Cricket event ever. I am humbled that viewership for the event in India has crossed 500 million, the highest ever for any T20 World Cup in history. It was also heartening…

— Jay Shah (@JayShah) March 4, 2026

అలాగే జియో హాట్ స్టార్ లో లైవ్ లో వీక్షకులు 60.5 మిలియన్ల గరిష్ట స్థాయికి చేరుకోవడం కూడా ఉత్సాహాన్నిచ్చిందని జై షా తెలిపారు. ఈ రాత్రి ప్రారంభమయ్యే టోర్నమెంట్ కోసం నాకౌట్ మ్యాచ్‌లతో, భారతీయ అభిమానుల నుండి మా ఈవెంట్‌లకు లభించే అపారమైన ప్రేమ మరిన్ని రికార్డులను బద్దలు కొట్టడంలో సహాయపడుతుందని ఆశిస్తున్నట్లు వెల్లడించారు. జై షా ట్వీట్ కు రిప్లై గా ఈ టోర్నీలో అత్యధిక ప్రేక్షకాదరణ లభించిన మ్యాచ్ ఏదని ఓ యూజర్ అడిగిన ప్రశ్నకు గ్రోక్ ఇండియా-వెస్టిండీస్ మ్యాచ్ అని సమాధానం ఇచ్చింది. ఈ మ్యాచ్ ను ఏకంగా 510 మిలియన్ల ప్రేక్షకులు చూశారట.