Click it and Unblock the Notifications
Just In
Don't Miss
-
PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా -
డైరెక్టర్లకు అమ్మాయిలను సప్లై.. సీనియర్ ఆర్టిస్ట్ చీకటి కోణం వెనుక వాస్తవం అదేనట! -
గుడ్నైట్ సందేశాలను ఇలా సరదాగా పంపుకోండి.. -
40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుద‌ల.. సేల్ వివరాలు! -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ట్రంప్ అన్నంతపనీ చేశాడు!: ఈ సంస్థలకే ఫేక్‌న్యూస్ అవార్డ్స్, ‘అంతా చెత్తే’
వాషింగ్టన్‌: అమెరికా అధ్యక్షుడు డొనాల్డ్ ట్రంప్ అన్నంత పనీ చేశాడు. గత కొంతకాలంగా చెప్పుకుంటూ వస్తున్న 'ఫేక్ న్యూస్ అవార్డు'లను తాజాగా ట్రంప్ ప్రకటించారు. 2017 సంవత్సరానికి గానూ.. ఫేక్ న్యూస్ అవార్డ్‌ విజేత 'ది న్యూయార్క్‌ టైమ్స్‌' అని ట్రంప్ స్పష్టం చేశారు.
ఈ మేరకు జీవోపీ.కామ్‌ వెబ్‌సైట్లో ఈ అవార్డుల జాబితా వివరాలను వెల్లడించారు. న్యూయార్క్‌ టైమ్స్‌తో పాటు ఏబీసీ న్యూస్, సీఎన్‌ఎన్‌, టైమ్‌, ది వాషింగ్టన్‌ పోస్ట్‌ కూడా ఈ అవార్డు దక్కించుకున్నట్లు చెప్పారు.
చెత్త న్యూస్ నామ సంవత్సరం
‘2017.. ఓ నిరాధార, చెత్త న్యూస్ కవరేజీ, ఫేక్ న్యూస్ నామ సంవత్సరం. 90శాతం మీడియా కవరేజీ ట్రంప్‌కు వ్యతిరేకంగానే ఉందని అనేక అధ్యయనాలు తెలిపాయి' అని సదరు వెబ్‌సైట్లో పేర్కొన్నారు. ఈ వెబ్‌సైట్ లింక్‌ను ట్రంప్ తన ట్విట్టర్‌ ఖాతాలో పోస్టు చేశారు.
వారంటే గౌరవముంది..
అయితే నిజాయతీ లేని, అత్యంత అవినీతి మీడియా కవరేజీ ఉన్నప్పటికీ.. కొందరు గొప్ప మీడియా ప్రతినిధులు కూడా ఉన్నారని.. వారిని తాను గౌరవిస్తున్నానని ట్రంప్ మరో ట్వీట్‌లో చెప్పుకొచ్చారు.
ఫేక్ న్యూస్ అవార్డులు ఇలా..
ట్రంప్ ప్రకటించిన అవార్డుల వివరాలు ఇలా.. ఈ జాబితాలో న్యూయార్క్‌ టైమ్స్‌కు మొదటి స్థానం ఇచ్చారు. ట్రంప్ అధ్యక్షుడిగా ఎన్నికైన సమయంలో న్యూయార్క్‌ టైమ్స్‌కు చెందిన పాల్‌ క్రుగ్‌మన్‌ ‘ఆర్థిక వ్యవస్థ ఇక ఎప్పటికీ కోలుకోదు' అంటూ కథనం రాశారు. దానికి తొలి ర్యాంక్‌ ఇస్తున్నట్లు ట్రంప్ ప్రకటించారు. ఇక రెండో స్థానం ఏబీసీ న్యూస్‌కు ఇచ్చారు. సీఎన్ఎన్‌కు మూడో ర్యాంక్‌, టైమ్‌ మ్యాగజీన్‌కు నాలుగు, ది వాషింగ్టన్‌ పోస్ట్‌కు ఐదో స్థానం ఇచ్చారు.
తప్పుడు వార్తలూ
కాగా, అధ్యక్ష ఎన్నిల సమయం నుంచే ట్రంప్ తనకు వ్యతిరేకంగా ఉన్న మీడియా సంస్థలపై ఆగ్రహం వ్యక్తం చేస్తూ వస్తున్న విషయం తెలిసిందే. అప్పటి నుంచే ఫేక్ న్యూస్ అనే పదం ఉపయోగించారాయన. ఫాక్స్‌ న్యూస్ మినహా మిగతా మీడియాపై ట్రంప్ విమర్శలు చేస్తూనే ఉన్నారు. కావాలనే ఆ మీడియా సంస్థలు తనకు వ్యతిరేకంగా కథనాలు ప్రచురిస్తున్నట్లు ఆరోపించారు కూడా. అందుకే అలాంటి మీడియాకు ఫేక్ న్యూస్ అవార్డులు ఇస్తానని గత నవంబర్‌లోనే ప్రకటించారు. ఈ నేపథ్యంలోనే తాజాగా ఈ అవార్డులను ప్రకటించిన ట్రంప్.. సంచలనం సృష్టించారు.
