మష్రూమ్ ఆమ్లెట్ ఎప్పుడైనా ట్రై చేశారా..?

కోడిగుడ్డును చిన్నారుల నుంచి పెద్దల వరకు అందరూ ఎంతో ఇష్టంగా తింటుంటారు. తక్కువ ఖర్చుతో ఎక్కువ ఆరోగ్యాన్ని అందించడం దీని ప్రత్యేకత. కేవలం రుచికే కాకుండా, శరీరానికి అవసరమైన విటమిన్లు, ఖనిజాలను అందించడంలో గుడ్డును మించిన ఆహారం లేదని చెప్పవచ్చు. ఇది ఆరోగ్యానికి మేలు చేయడమే.. కాకుండా ఎక్కువగా ఇష్టపడే ఆహారంగా గుర్తింపు పొందింది.
కాగా అత్యంత పోషక విలువలతో కూడిన సంపూర్ణ ఆహారంగా కూడా గుడ్డు పరిగణించబడుతుంది.

గుడ్డు తినడం వల్ల శక్తి పెరుగుతుంది, కండరాలు బలపడతాయి, రోగనిరోధక శక్తి మెరుగుపడుతుంది. అంతే కాకుండా భారతదేశంలో గుడ్డుతో చేసే వంటకాలకు విశేష ప్రాధాన్యం ఉంది. సాధారణ ఆమ్లెట్‌తో పోలిస్తే "మష్రూమ్ ఆమ్లెట్" మరింత జూసీ, ఫ్లేవర్‌ఫుల్‌గా ఉంటుంది. కొన్ని చిన్న చిట్కాలు పాటిస్తే ఇంట్లోనే రెస్టారెంట్ స్టైల్ ఫ్లఫీ మష్రూమ్ ఆమ్లెట్ సులభంగా తయారు చేసుకోవచ్చు. దీని వల్ల ప్రోటీన్, విటమిన్ A, D, E, B12, ఫోలేట్, సెలీనియం వంటి ముఖ్యమైన పోషకాలు శరీరానికి అందుతాయి. "మష్రూమ్ ఆమ్లెట్" తయారీ విధానం మీకోసం ప్రత్యేకంగా..

( mushroom omelet ) కావలసిన పదార్థాలు..

గుడ్లు - 2 లేదా 3

మష్రూమ్స్ (సన్నగా కట్ చేసినవి) - ½ కప్పు

ఉల్లిపాయ - 2 టేబుల్ స్పూన్లు (ఐచ్చికం)

పచ్చిమిర్చి - 1

మిరియాల పొడి - ½ టీస్పూన్

ఉప్పు - తగినంత

వెన్న లేదా నూనె - 1 టీస్పూన్

తురిమిన చీజ్ - 2 టేబుల్ స్పూన్లు (ఐచ్చికం)

కొత్తిమీర / స్ప్రింగ్ ఆనియన్స్ - గార్నిష్ కోసం

తయారీ విధానం..

మష్రూమ్స్ ముందుగా వేయించడం

పాన్‌లో వెన్న వేసి మష్రూమ్స్‌ను మీడియం మంటపై గోల్డెన్ బ్రౌన్ వచ్చే వరకు వేయించాలి. తేమ పూర్తిగా ఆరిన తర్వాత పక్కన పెట్టుకోవాలి. ఇలా చేస్తే ఆమ్లెట్ నీరుగా మారదు.

గుడ్లను బాగా విస్క్ చేయడం

బౌల్‌లో గుడ్లు తీసుకుని ఉప్పు, మిరియాల పొడి వేసి నురగ వచ్చే వరకు గిలకొట్టాలి. ఇది ఆమ్లెట్‌ను మెత్తగా, ఫ్లఫీగా చేస్తుంది.

సరైన పాన్ & వేడి నియంత్రణ

నాన్-స్టిక్ పాన్‌ను మీడియం మంటపై వేడి చేసి కొద్దిగా వెన్న వేయాలి. వెన్న కరిగిన వెంటనే గుడ్డు మిశ్రమం పోయాలి.

ఫిల్లింగ్ జోడించడం & ఫోల్డ్ చేయడం

గుడ్డు కొద్దిగా సెటయ్యాక వేయించిన మష్రూమ్స్, ఉల్లిపాయ, చీజ్ వేసి ఒక వైపు సర్దాలి. అంచులను జాగ్రత్తగా లేపి ఆమ్లెట్‌ను మడవాలి.

పాన్ నుంచి దించిన వెంటనే కొత్తిమీర లేదా స్ప్రింగ్ ఆనియన్స్ చల్లి వేడిగా సర్వ్ చేయాలి.

చిట్కాలు..

మిశ్రమంలో 1 టేబుల్ స్పూన్ పాలు లేదా ఫ్రెష్ క్రీమ్ కలిపితే ఆమ్లెట్ మరింత సాఫ్ట్‌గా వస్తుంది.

కొద్దిగా వెల్లుల్లి, బటర్‌లో వేయించిన క్యాప్సికమ్ లేదా హర్బ్స్ కలిపితే రెస్టారెంట్ టేస్ట్ వస్తుంది.

English summary

Everyone from children to adults love to eat eggs. Compared to a regular omelet, a "mushroom omelet" is more juicy and flavorful.