రాజీనామా ఉపసంహరించుకున్న జస్టిస్ నాగార్జున రెడ్డి

హైదరాబాద్:ఎట్టకేలకు జస్టిస్ నాగార్జునరెడ్డి తన రాజీనామాను ఉపసంహరించుకున్నారు.శనివారం హైకోర్టు ప్రధాన న్యాయమూర్తి నిసార్ అహ్మద్ కక్రూతో నాగార్జునరెడ్డి సుమారు 4గంటలపాటు సమావేశమై అనంతరం ఈ నిర్ణయం తీసుకున్నట్టు తెలిసింది.అనంతరం ప్రధాన న్యాయమూర్తికి ఒక లేఖ రాశారు. ప్రధాన న్యాయమూర్తితోపాటు, రాష్ట్రపతికి ఇచ్చిన లేఖను ఉపసంహరించుకున్నట్టు చెప్పారు.శుక్రవారం హైకోర్టు పనులు సజావుగా సాగటంతో ప్రతిష్ట పునరుద్ధరణపై ఆశలు చిగురించినట్టు ఆయన చెప్పారు. ఈ వ్యవస్థలో కోల్పోతున్న విలువలను తప్పుపట్టి తప్పు కోవటం కంటే దానినుంచి సమాజాన్ని దూరం చేయటానికి కొనసాగడానికే నిర్ణయించుకున్నట్టు తెలిపారు.

హైకోర్టు సంఘటనల నేపథ్యంలో రాజీనామా చేసినట్టు 16న రాజీనామా చేసిన ఆయన చేశారు. ఆ తరువాత హైకోర్టు ప్రధాన న్యాయమూర్తి కక్రూ రాజీనామాను ఉపసంహరించుకోవాల్సిందిగా కోరినప్పటికీ ఆయన సున్నితంగా తిరస్కరించారు. గత 4 రోజులుగా కోర్టులో జరుగుతున్న సంఘటనలు తనను బాధ పెట్టాయని, ఇవి న్యాయాన్ని రక్షింటచాల్సిన కోర్టులోనే జరగడం తనను మనోవ్యధకు గురి చేశాయన్నారు. న్యాయవ్యవస్థపై ప్రజలకు సైతం విలువలు తగ్గిపోయేలా సంఘటనలు చోటు చేసుకుంటున్నాయని అయన రాజీనామా చేసిన విషయం తెలిసిందే.