• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కాంగ్రెసు ఎమ్మెల్యే జయసుధ తిరుగుబాటు, విప్ తిరస్కరణ

By Pratap
|
Google Oneindia TeluguNews
Jayasudha
హైదరాబాద్: సికింద్రాబాద్ కాంగ్రెసు శాసనసభ్యురాలు జయసుధ పార్టీ నాయకత్వంపై తిరుగుబాటు ప్రకటించారు. ఎమ్మెల్సీ ఎన్నికల సందర్భంగా జారీ చేసిన విప్‌ను ఆమె తిరస్కరించారు. సంతకం చేయడానికి ఆమె నిరాకరించారు. శాసనసభ్యుల కోటా కింద ఈ నెల 17వ తేదీన జరుగుతున్న ఎమ్మెల్సీ ఎన్నికల నేపథ్యంలో ఈ నెల 16, 17 తేదీల్లో శాసనసభలో అందుబాటులో ఉండాలని ప్రభుత్వ చీఫ్ విఫ్ మల్లుభట్టి విక్రమార్క కాంగ్రెసు శాసనసభ్యులకు విప్ జారీ చేశారు.

ఈ నెల 16వ తేదీన సినిమా షూటింగ్ ఉన్నందున తాను రాలేనని జయసుధ చెప్పారు. ఈ నెల 17వ తేదీన జరిగే వోటింగ్‌కు మాత్రం హాజరవుతానని ఆమె చెప్పారు. వైయస్సార్ కాంగ్రెసు పార్టీ నేత వైయస్ జగన్‌కు ఆమె పూర్తి మద్దతు ప్రకటించిన విషయం తెలిసిందే. తాను జగన్ వెంటే ఉంటానని కూడా చాలా సార్లు చెప్పారు. ఈ నేపథ్యంలో విప్‌ను తిరస్కరించడం చర్చనీయాంశంగా మారింది. కాంగ్రెసు శానససభ్యులకు విప్ ఇస్తూ వారి సంతకాలను తీసుకున్నారు. అయితే, జయసుధ మాత్రం విప్‌ను తీసుకోవడానికి నిరాకరిస్తూ సంతకం చేయలేదు. ధిక్కరించే ఉద్దేశం తనకు లేదని, అయితే తాను 16వ తేదీన శాసనసభకు హాజరు కాలేను కాబట్టి విప్ తీసుకుంటే ఇబ్బందులు వస్తాయనే ఉద్దేశంతోనే నిరాకరించానని జయసుధ చెప్పారు.

English summary
Secendurabad Congress MLA rejects to accept whip, issued during MLC election under MLA qouta to be held on March 17. She said that sje is not in a position to attend assembly on March 16, as she is having cinema shooting, so avoid embarassment she rejected whip.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
Desktop Bottom Promotion