• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జివో రద్దు చేస్తే తీవ్ర పరిణామాలు: సిఎం కిరణ్‌కు హరీష్ రావు హెచ్చరిక

By Srinivas
|

Harish Rao
హైదరాబాద్: సీమాంధ్ర ప్రాంతానికి చెందిన ముఖ్యమంత్రి కిరణ్ కుమార్ రెడ్డి తెలంగాణ ఇంజినీర్లకు అన్యాయం చేయాలని అనుకుంటున్నాడని తెలంగాణ రాష్ట్ర సమితి సిద్దిపేట శాసనసభ్యుడు తన్నీరు హరీష్ రావు శనివారం టిఆర్ఎస్ భవన్‌లో ఏర్పాటు చేసిన విలేకరుల సమావేశంలో ఆరోపించారు. ముఖ్యమంత్రి రాజ్యాంగ హక్కులను మంటగలిపి తెలంగాణ వారికి అన్యాయం చేయాలని చూస్తున్నారని ధ్వజమెత్తారు. ప్రభుత్వం చట్టం 91ను రద్దు చేస్తే తీవ్ర పరిణామాలు ఉంటాయని హెచ్చరించారు. నీటి పారుదల శాఖలో తెలంగాణ ఇంజినీర్లకు జరిగిన అన్యాయాన్ని సవరించాలని కోరారు.

ఆదివారం రోజు తెలంగాణ ఐక్య కార్యచారణ సమితి రోడ్ల పైనే వంటా వార్పుకు పిలుపునిచ్చిందని దానికి ప్రజల నుండి అనూహ్య స్పందన వస్తుందన్నారు. తాము కార్యక్రమాలు ద్వారా ఎవరినీ ఇబ్బందుల పాలు చేయాలని భావించడం లేదన్నారు. అందుకే వంటావార్పు కార్యక్రమాన్ని ఆదివారం పెట్టుకోవడమే కాకుండా రోడ్లకు ఇరువైపుల మాత్రమే పెట్టుకోవాలని నిర్ణయించుకున్నామన్నారు. డిజిపి అరవింద్ రావు అడ్డుకోవాలని చూస్తున్నారని ఆయన పదవి విరమణ చేసే సమయంలో తెలంగాణవాదుల ఆగ్రహానికి గురి కావద్దని హెచ్చరించారు. ఇప్పటికే అరవింద్ రావు తెలంగాణకు తీవ్ర అన్యాయం చేశాడని మరోసారి అలాంటి కార్యక్రమాలు చేపట్టవద్దని హెచ్చరించారు.

తెలంగాణ ప్రాంత కాంగ్రెసు ప్రజాప్రతినిధులకు ఆయన బహిరంగ లేఖ రాశారు. తెలంగాణ కాంగ్రెసు నేతలు వెంటనే వారి వారి పదవులకు రాజీనామా చేయాలని సూచించారు. అవసరమైతే తాము కూడా రాజీనామాకు సిద్ధమని ప్రకటించారు. డెడ్ లైన్లతో డ్రామాలు అడితే తెలంగాణ ప్రజలు క్షమించరని హెచ్చరించారు.

English summary
TRS MLA Harish Rao blamed CM Kiran Kumar Reddy today. He warned CM that to continue GO no.91.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X