కర్ణాటక పగ్గాలు యడ్యూరప్పకే: ప్రభుత్వ ఏర్పాటుకు గవర్నర్ ఆహ్వానం..
బెంగళూరు: కర్ణాటకలో అధికార పగ్గాలు ఎవరికి అప్పజెప్పాలన్న మీమాంసకు గవర్నర్ వజుభాయ్ వాలా తెరదించారు. అంతా ఊహించినట్టుగానే బీజేపీ సీఎం అభ్యర్థి యడ్యూరప్పను ప్రభుత్వ ఏర్పాటుకు ఆయన ఆహ్వానించారు. ఈ మేరకు రాజ్ భవన్ నుంచి అధికారిక ప్రకటన వెలువడింది. రేపు ఉదయం 9గం.కు యడ్యూరప్ప సీఎం ప్రమాణ స్వీకారం చేయనున్నారు. బలనిరూపణకు గవర్నర్ 15రోజుల గడువు ఇచ్చారు.
ప్రస్తుతం కాంగ్రెస్ పార్టీకి 104 ఎమ్మెల్యేల మద్దతు ఉంది. మేజిక్ ఫిగర్ 112 కావడంతో బలనిరూపణకు మరో 8మంది ఎమ్మెల్యేల మద్దతు ఆ పార్టీకి అవసరం. స్వతంత్రులను కలుపుకున్నా బీజేపీకి మేజిక్ ఫిగర్ సాధించడం కష్టం. కాబట్టి బలనిరూపణ విషయంలో ఆ పార్టీ ప్రత్యర్థి పార్టీలను చీల్చే అవకాశాలే ఎక్కువగా కనిపిస్తున్నాయి. ఈ నేపథ్యంలో కాంగ్రెస్, జేడీఎస్ లు తమ ఎమ్మెల్యేలను రిసార్టులకు పంపించి జాగ్రత్తపడుతున్నాయి.
Karnataka Governor's letter inviting BJP's BS Yeddyurappa to form government. #KarnatakaElectionResults2018 pic.twitter.com/EafBULC7nr
— ANI (@ANI) May 16, 2018
మొత్తం మీద రాబోయే 15రోజుల్లో కన్నడనాట మరిన్ని అనూహ్య పరిణామాలు చోటు చేసుకునే అవకాశం ఉంది.యడ్యూరప్పను ప్రభుత్వ ఏర్పాటుకు గవర్నర్ ఆహ్వానించిన నేపథ్యంలో ఆయన ఇంటిద్ద భద్రతను కట్టుదిట్టం చేశారు.
Bengaluru: Security deployed at the residence of BJP's BS Yeddyurappa, ahead of his swearing-in as the Chief Minister of #Karnataka tomorrow pic.twitter.com/BOTG4m6hek
— ANI (@ANI) May 16, 2018
Click it and Unblock the Notifications
Sign in with Google