నీట్ పరీక్ష 2019: కటాఫ్ మార్కులు ఇవే...ఈ ప్రశ్నలు చాలా కష్టంగా వచ్చాయి

ఆదివారం నేషనల్ ఎలిజిబిలిటీ కమ్ ఎంట్రన్స్ టెస్టు (నీట్ 2019) జరిగింది. నేషనల్ టెస్టింగ్ ఏజెన్సీ త్వరలోనే నీట్‌ పరీక్షకు సంబంధించిన సమాధానాల కీ విడుదల చేయనుంది. దేశవ్యాప్తంగా 15 లక్షల మంది మెడికల్ ప్రవేశ పరీక్షకు హాజరయ్యారు. అయితే నీట్ -2019 కటాఫ్ మార్కులు ఎన్ని ఉండొచ్చు అనేదానిపై పలువురు సబ్జెక్ట్ నిపుణులు ఏమి చెబుతున్నారో ఒకసారి చూద్దాం.

జనరల్ క్యాటగిరీ విద్యార్థులకు నీట్ కటాఫ్ మార్క్స్ 125 నుంచి 135 వరకు ఉండే అవకాశం ఉందని గ్రేడ్‌అప్ సంస్థలో అకెడమిక్ హెడ్‌గా వ్యవహరిస్తున్న నవీన్ సీ జోషి అంచనా వేశారు. అయితే కాలేజీల్లో అడ్మిషన్ పొందాలంటే కటాఫ్ మార్కులు 510 నుంచి 520 ఉండే అవకాశమున్నట్లు నవీన్ సీ జోషీ తెలిపారు. ఇదిలా ఉంటే నీట్ కటాఫ్ 130 నుంచి 140 మార్కుల వరకు ఉండే ఛాన్స్ ఉందని ఎడ్యుకేషనల్ కంటెంట్ ట్రాపర్ డాట్ కామ్ వైస్ ప్రెసిడెంట్ రాజశేఖర్ రాట్రే తెలిపారు. ఇక మొత్తంగా నీట్ ప్రశ్నాపత్రాన్ని పరిశీలిస్తే కాస్త కష్టతరంగానే వచ్చినట్లు ఆయన చెప్పారు. ఇందులో ఫిజిక్స్ పేపర్ అత్యంత కష్టంగా రాగా.... బయలజీ పేపర్‌లో ప్రశ్నలు కాస్త సులభంగా వచ్చినట్లు రాజశేఖర్ తెలిపారు.

మే 12వ తేదీన నీట్‌కు సంబంధించిన జవాబు కీ విడుదల చేయనున్నట్లు సమాచారం. అయితే పరీక్షకు హాజరైన విద్యార్థులు అంతా ఎప్పటికప్పుడు నీట్ అధికారిక వెబ్‌సైట్ (ntaneet.nic.in)ను చూస్తూ ఉండాలని నీట్ నిర్వాహకులు తెలిపారు. జవాబులకు సంబంధించి విడుదల కానున్న కీ పేపర్లో ఏమైనా అభ్యంతరాలు ఉంటే ప్రతి జవాబుకు రూ.1000 చెల్లించాల్సి ఉంటుందని నీట్ నిర్వాహకులు తెలిపారు. దేశవ్యాప్తంగా 156 నగరాల్లో నీట్ పరీక్ష నిర్వహించగా... మొత్తం 15 లక్షల మంది విద్యార్థులు పరీక్షకు హాజరయ్యారు.

English summary

The National Eligibility Cum Entrance Test (NEET 2019) was held on May 5 and the answer keys will be released soon by the National Testing Agency (NTA). Over 15 lakh candidates appeared for the medical entrance exam, we’ll find out what experts are suggesting on the NEET 2019 cut-off.Navin C Joshi, Academic Head at Gradeup assumed that the cut-off for the general category may vary between 125 to 135.