భారత గొప్ప మిత్రుడు: రష్యా రాయబారి కదాకిన్‌ కన్నుమూత

రష్యా రాయబారి, భారత్‌కు గొప్ప మిత్రుడుగా పేరొందిన అలెగ్జాండర్‌ కదాకిన్‌(67) గురువారం తీవ్ర అనారోగ్యంతో ఢిల్లీలోని కేంద్ర ఆసుపత్రిలో కన్నుమూశారు.

న్యూడిల్లీ: రష్యా రాయబారి, భారత్‌కు గొప్ప మిత్రుడుగా పేరొందిన అలెగ్జాండర్‌ కదాకిన్‌(67) గురువారం తీవ్ర అనారోగ్యంతో ఢిల్లీలోని కేంద్ర ఆసుపత్రిలో కన్నుమూశారు. 2009 నుంచి రాయబారిగా పనిచేస్తున్న ఆయన భారత్‌-రష్యాల మధ్య సంబంధాలు బలోపేతం కావడానికి కీలక పాత్ర పోషించారు.

ఆయన గతంలో(1999-2004) కూడా రాయబారిగా పనిచేశారు. కదాకిన్‌ మృతి పట్ల రాష్ట్రపతి ప్రణబ్ ముఖర్జీ, ప్రధానమంత్రి నరేంద్ర మోడీ తీవ్ర విచారం వ్యక్తం చేశారు. మన దేశానికి గొప్ప మిత్రుడని, భారత్‌-రష్యాల మధ్య సంబంధాలను బలోపేతం చేసేందుకు ఆయన నిర్విరామంగా కృషిచేశారన్నారు.

భారత్ ఓ గొప్ప మిత్రుడిని కోల్పోయిందనిరాష్ట్రపతి ప్రణబ్ ముఖర్జీ అన్నారు. కాగా, గతంలో ఓసారి కదాకిన్ మాట్లాడుతూ.. రష్యా తర్వాత తనకు రెండో మాతృదేశం భారత్ అని చెప్పారు. ఇది కర్మభూమి, జ్ఞానభూమి అని చెప్పిన ఆయన.. ఈ దేశం నుంచి చాలా నేర్చుకున్నానని తెలిపారు.

English summary

One of the longest serving diplomats in India and an Indophile, Russian ambassador to India, Alexander Kadakin, died in New Delhi on Thursday following a brief illness. He was 67.