'పుష్ప 2' రికార్డులు బద్దలు.. ఇక విధ్వంసమే..!

ఐకాన్ స్టార్ అల్లు అర్జున్, సుకుమార్ కాంబోలో వచ్చిన పుష్ప-2 ది రూల్ గతేడాది డిసెంబర్ 5 విడుదలైన సంగతి తెలిసిందే. ఈ మూవీ బాక్సాఫీస్ ను షేక్ చేసింది. రూ. 400 కోట్లకుపైగా బడ్జెట్ తో నిర్మించిన ఈ మూవీ బాక్సాఫీస్ వద్ద రూ. 1700 కోట్ల వరకు కలెక్ట్ చేసి పాన్ ఇండియా రేంజ్ లో ఇండస్ట్రీ హిట్ గా నిలిచింది. అంతకుముందు ఉన్న బాహుబలి 2 రికార్డుల్ని చాలా చోట్ల ఈ మూవీ దాటేయడం విశేషం. అయితే ఇటీవల విడుదలైన దురంధర్ మూవీ.. బాక్సాఫీస్ వద్ద కలెక్షన్ల సునామీ సృష్టిస్తోంది.

బాలీవుడ్ హీరో రణవీర్ సింగ్ ప్రధాన పాత్రలో.. యూరీ : ది సర్జికల్ స్ట్రైక్ మూవీతో దేశవ్యాప్తంగా గుర్తింపు తెచ్చుకున్న డైరెక్టర్ ఆదిత్య ధర్ ఈ చిత్రానికి దర్శకత్వం వచించారు. ఈ స్పై యాక్షన్ థ్రిల్లర్ బాక్సాఫీస్ వద్ద రికార్డుల వేట కొనసాగిస్తోంది. రోజురోజుకూ కలక్షన్లు పెరుగుతున్నాయి. ఇప్పటివరకూ ఈ చిత్రం దేశంలోనే రూ.300 కోట్ల వరకు వసూల్లు చేసినట్లు తెలుస్తోంది. ఓవర్సీస్ మార్కెట్‌ లో కూడా ఈ చిత్రం దూసుకుపోతుంది. ఈ క్రమంలో పుష్ప-2 రికార్డులను కూడా ఈ మూవీ దాటేయడం విశేషం.

పుష్ప 2 చిత్రానికి రెండో శుక్రవారం రూ. 27 కోట్ల 50 లక్షల రూపాయిల నెట్ వసూళ్లు వచ్చాయి. ఇక దురంధర్ చిత్రానికి ఏకంగా రూ. 34 కోట్ల 70 లక్షల రూపాయిల నెట్ వసూళ్లు వచ్చాయి. దీంతో ఈ చిత్రానికి 8 రోజుల్లో 252 కోట్ల 70 లక్షల రూపాయిల నెట్ వసూళ్లు వచ్చినట్లు తెలుస్తోంది. దీంతో రెండో వారం లెక్కలు చూస్తే పుష్ప-2 , యానిమల్ రికార్డుల్ని ఈ దురంధర్ మూవీ బద్దలు కొట్టినట్లు స్పష్టం అవుతోంది. వీకెండ్స్ , వర్కింగ్ డేస్ అని తేడా లేకుండా ఈ మూవీ దుమ్ము లేపుతోంది.

ఇక ఆదిత్య ధర్ ర్శకత్వం వహించిన ఈ స్పై యాక్షన్ ఎంటర్‌ టైనర్‌ లో అక్షయ్ ఖన్నా, సంజయ్ దత్ అర్జున్ రామ్ పాల్, ఆర్ మాధవన్, రాకేష్ బేడీ, సారా అర్జున్ కీలక నటులు ముఖ్య పాత్రలు పోషించారు. అయితే ఈ చిత్రానికి గల్ఫ్ కంట్రీస్ షాక్ ఇచ్చాయి. ఈ చిత్రంలో పాకిస్థాన్ కు వ్యతిరేకంగా కొన్ని సన్నివేశాలు ఉన్నందున గల్ఫ్ దేశాలైన బహ్రెయిన్, కువైట్, ఒమన్, ఖతార్, సౌదీ అరేబియా, యూఎఈలలో ప్రదర్శనను నిలిపివేశారు. మూవీ కలెక్షన్స్ పై ఇది కాస్త భారం పడే అవకాశం ఉన్నట్లు తెలుస్తోంది.