షారూఖ్‌కు గంభీర్ షాక్

కోల్‌కత్తా ప్రిన్స్ సౌరవ్ గంగూలీతో విసిగిపోయి, తీవ్ర నిరాశకు గురై తన కోల్‌కత్తా నైట్ రైడర్స్ జట్టును విజయపథంలో నడిపించాలని ఆశించిన బాలీవుడ్ బాద్షా షారూఖ్ ఖాన్‌కు ఆదిలో తీవ్ర నిరాశ ఎదురైంది. ఐపియల్‌ వేలంలో అత్యధిక కాసుల వర్షం కురిపించి కొనుగోలు చేసుకున్న గౌతం గంభీర్ ఆయనకు షాకిచ్చినట్లే కనిపిస్తోంది. ధోనీ నాయకత్వంలోని చెన్నై సూపర్ కింగ్స్‌పై జరిగిన మ్యాచులో చేజేతులో గంభీర్ సేన ఓటమి పాలైంది. బ్యాటింగ్ తప్పిదాలతో మ్యాచును రెండు పరుగుల తేడాతో వదులుకోవాల్సి వచ్చింది.

షారూఖ్ తన ఆశలన్నీ గంభీర్‌పైనే పెట్టుకున్నాడు. గౌతం మంచి మనిషి, మంచి ఆలోచన ఉన్నవాడు అని అప్పటికే షారూఖ్ కితాబు ఇచ్చాడు. అయితే, కెప్టెన్సీ ఎత్తుగడల్లో గంభీర్ విఫలమైనట్లే కనిపించాడు. పైగా, అనవసరమైన పరుగుకు వెళ్లి రన్నవుట్ కూడా అయ్యాడు. జట్టును తన అనుభవంతో, ఆలోచనతో ముందుకు నడిపిస్తాడని భావించిన గంభీర్ తీవ్రమైన ఒత్తిడికి గురైనట్లు కనిపించాడు. ఆ ఒత్తిడి కారణంగానే అతను అవుటయ్యాడనేది అర్థమవుతూనే ఉన్నది. సౌరవ్ గంగూలీ లాగానే గంభీర్ బాలీవుడ్ బాద్షా ఆశల మీద నీళ్లు చల్లుతాడా అనే అనుమానాలు తలెత్తుతున్నాయి.

English summary

According to Shah Rukh Khan - "They're a bunch of smart and good cricketers. The team is looking great and I hope they perform well." It's evident that the actor-team owner is banking heavily on the new captain of the team, Gautham Gambhir, to deliver the goods. "Gauti is a good man with a good head. I'm sure he'll do well."