• search

చిరంజీవి లేఖను విసిరికొట్టిన కిరణ్ రెడ్డి?

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Chiranjeevi - Kiran Kumar Reddy
    హైదరాబాద్: కేంద్ర మంత్రి చిరంజీవికి అనూహ్యమైన షాక్ తగిలింది. కాంగ్రెసు పార్టీలో తిరుగులేని నాయకుడిగా ఎదుగుదామని భావిస్తున్న చిరంజీవికి ముఖ్యమంత్రి కిరణ్ కుమార్ రెడ్డి నుంచి ఊహించని ఎదురుదెబ్బ తగిలింది. విద్యుచ్ఛక్తి చార్జీలు తగ్గించాలని కోరుతూ చిరంజీవి రాసిన లేఖను ముఖ్యమత్రి కిరణ్ కుమార్ రెడ్డి కోపంతో విసిరికొట్టారట. చిరంజీవి రాసిన లేఖను అందించడానికి మంత్రి గంటా శ్రీనివాస రావు ముఖ్యమంత్రిని కలిశారు.

    గంటా శ్రీనివాస రావు అందించిన లేఖను తీసుకుని ముఖ్యమంత్రి పట్టరాని ఆగ్రహంతో విసిరికొట్టారని చెబుతున్నారు. విద్యుత్ చార్జీల పెంపును వ్యతిరేకిస్తూ చిరంజీవి పదే పదే మీడియాతో మాట్లాడడంతో కిరణ్ కుమార్ రెడ్డి అరికాలి మంట నెత్తికెక్కిందట. చిరంజీవిపై కాంగ్రెసు పార్టీ అధిష్టానానికి ఫిర్యాదు చేయడానికి కిరణ్ కుమార్ రెడ్డి సిద్ధమైనట్లు కూడా చెబుతున్నారు.

    వచ్చే పది రోజుల్లో ముఖ్యమంత్రి ఢిల్లీ పర్యటనకు వెళ్లే అవకాశం ఉంది. ఏప్రిల్ 7వ తేదీన ముఖ్యమంత్రులు, న్యాయమూర్తుల సమావేశం ఉంది. జాతీయ ఉగ్రవాద నిరోధక కేంద్రం (ఎన్‌సిటిసి)పై ఏప్రిల్ 15వ తేదీన ముఖ్యమంత్రులు సమావేశం ఉంది. ఈ కార్యక్రమాలకు ముఖ్యమంత్రి ఢిల్లీ వెళ్లినప్పుడు చిరంజీవిపై అధిష్టానానికి ఫిర్యాదు చేయనున్నట్లు చెుబుతున్నారు. ఈ రెండు విడతల్లో ఎప్పుడైనా కిరణ్ కుమార్ రెడ్డి ఆ పని చేయవచ్చునని అంటున్నారు.

    విద్యుచ్ఛక్తి చార్జీల పెంపు విషయంలో గత ప్రజారాజ్యం పార్టీ నాయకులు తప్ప దాదాపుగా కాంగ్రెసు నాయకులంతా ముఖ్యమంత్రికి మద్దతుగా నిలిచారు. చిరంజీవి ప్రభుత్వానికి వ్యతిరేకంగా బహిరంగ ప్రకటనలు చేస్తూ పోవడాన్ని ముఖ్యమంత్రి జీర్ణించుకోలేకపోతున్నారని అంటున్నారు. విద్యుత్ చార్జీల పెంపునకు నిరసనగా కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్‌కు చిరంజీవి లేఖ రాయడాన్ని కూడా ముఖ్యమంత్రి తప్పు పడుతున్నట్లు తెలుస్తోంది.

    English summary
    Kiran Kumar Reddy made his anger at Chiranjeevi amply clear when the actor-turned-politician's aide and infrastructure and investments minister Ganta Srinivasa Rao met the CM on Thursday afternoon. Ganta handed over to the CM a letter written by Chiranjeevi requesting him to reduce the power hike. In response, the CM flung away the letter," sources said.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more