రాజీనామాకు కెసిఆర్కు ముత్యం రెడ్డి షరతులు
రాజీనామాలు చేసి మళ్లీ పోటీ చేస్తే త్యాగం ఎలా అవుతుందని కాబట్టి రాజీనామాలు చేశాక ఎవరూ ఎన్నికల్లో పోటీ చేయవద్దన్నారు. ఎవరూ పదవుల్లో లేకుండా పోరాటం చేయాలన్నారు. ఏ ఒక్కరో కాకుండా అందరం కలిసి రాజీనామాలు చేసి రాజకీయ సంక్షోభం సృష్టించి తద్వారా తెలంగాణ సాధించాలన్నారు. రాజీనామాలు చేసి మళ్లీ ఎన్నికలకు వెళ్లకుండా పోరాటం చేద్దామన్నారు. బిజెపి ప్రతిపక్ష నేత సుష్మా స్వరాజ్ తెలంగాణ కోసం మాట్లాడుతున్న సమయంలో కెసిఆర్ ఇక్కడ ఏం చేశారని ప్రశ్నించారు. తెలంగాణ కోసం పార్లమెంటులో పోరాటం చేయకుండా దాడులు చేయించడం ఎంత వరకు సమంజసమని ప్రశ్నించారు.
తెలంగాణ పేరు చెప్పి కెసిఆర్ ఆయన కుటుంబ సభ్యులు పదవులు అనుభవిస్తున్నారని ఆరోపించారు. తెలంగాణ కోసం అందరినీ కలుపుకు పోవాలన్నారు. అందుకు కెసిఆర్ కుటుంబ సభ్యులు పదవులకు దూరంగా ఉండాలని డిమాండ్ చేశారు. తెలంగాణ పేరుతో మీ కుటుంబ సభ్యులు పదవులు పొందవచ్చు కానీ మేం పదవులు పొంద వద్దా అని ప్రశ్నించారు. కెసిఆర్ మాకు ఉరితాళ్లు వేస్తే అవి మా ఆయిష్షు పెంచుతాయన్నారు. ఎమ్మెల్యేలు రాజీనామా చేస్తే పార్లమెంటులో బిల్లు ఎలా పెడతారో కేసిఆర్ చెప్పాలన్నారు. ప్రజా ప్రతినిధులను ఆగౌరవపర్చేలా కెసిఆర్ వ్యవహరిస్తోన్నారని ఎమ్మెల్యే గండ్ర వెంకటరమణా రెడ్డి అన్నారు.
Click it and Unblock the Notifications
Sign in with Google