• search
  • Live TV
శ్రీకాకుళం వార్తల కోసం
నోటిఫికేషన్స్ పై క్లిక్ చేయండి  

కిరణ్‌కు షాక్: ఎమ్మెల్యే సత్యవతి అలక, రిజైన్ యోచన

By Srinivas
|

Satyavathi
శ్రీకాకుళం: మంత్రి వర్గ విస్తరణ జరగకముందే ముఖ్యమంత్రి కిరణ్ కుమార్ రెడ్డికి షాక్ తగిలింది. శ్రీకాకుళం జిల్లా ఆముదాలవలస ఎమ్మెల్యే బొడ్డేపల్లి సత్యవతి తనకు పదవి రాకపోవడంతో మనస్థాపం చెందారు. ఆమె అలకబూనారు. రాజీనామాకు కూడా సిద్ధపడినట్లు సమాచారం. మంత్రి పదవి రాకుంటే రాజీనామా విషయంపై ఆలోచించి నిర్ణయం తీసుకుంటానని ఆమె చెప్పారు. శ్రీకాకుళం జిల్లా నుండి చీప్ విప్ కొండ్రు మురళికి కేబినెట్లో అవకాశం దక్కిన విషయం తెలిసిందే. దీంతో ఆమె మనస్థాపం చెందినట్లుగా తెలుస్తోంది. మంత్రివర్గంలో బిసిలకు అన్యాయం జరుగుతోందని ఆమె ఆవేదన వ్యక్తం చేస్తున్నారు. తన సామాజిక వర్గానికి న్యాయం జరగాల్సిందేనని ఆమె అన్నారు. తాను గతంలో వైయస్సార్ కాంగ్రెసు పార్టీలో చేరతారనే ఊహాగానాలు వినిపించినప్పటికీ తాను వెళ్లలేదన్నారు. నేను ముఖ్యమంత్రి, కాంగ్రెసు పార్టీని టార్గెట్ చేయలేదన్నారు. పార్టీ సిద్ధాంతాలకు కట్టుబడి పని చేస్తున్నానని అయినా తనకు న్యాయం జరగలేదన్నారు. తీరు చూస్తుంటే సిద్ధాంతాలకు కట్టుబడి పని చేయడం కంటే లాబీయింగ్‌కే పదవులు వస్తున్నట్లుగా కనిపిస్తోందన్నారు.

మంత్రివర్గంలో అన్ని సామాజిక వర్గాలకు న్యాయం చేస్తారు కానీ బిసిలకు చేయరా అని ప్రశ్నించారు. తనకు వ్యక్తిగతంగా పార్టీ పైనా, ముఖ్యమంత్రి పైన కోపం లేదని, తమ సామాజిక వర్గానికి న్యాయం జరగక పోవడం పైనే అసంతృప్తి ఉందన్నారు. మంత్రులకు కేటాయించే శాఖలపై తాను ఏం మాట్లాడనన్నారు. నేను ఎప్పుడూ ఎలాంటి బ్లాక్ మెయిల్ రాజకీయాలకు పాల్పడలేదన్నారు. కాగా గతంలో ఆమె వైయస్సార్ కాంగ్రెసు పార్టీలో చేరుతున్నట్లుగా వార్తలు వచ్చిన విషయం తెలిసిందే. సత్యవతి కళింగ సామాజిక వర్గానికి చెందిన నేత. ఆముదాలవలస నుండి ఆమె రెండుసార్లు గెలుపొందారు. కాగా ఆమెను ముఖ్యమంత్రి కిరణ్ కుమార్ రెడ్డి బుజ్జగించే ప్రయత్నాలు చేశారు. ఆమెకు స్వయంగా ఫోన్ చేసి సరైన న్యాయం చేస్తానని, రాజీనామా చేయవద్దని చెప్పారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Srikakulam district Amudalavalasa MLA Satyavathi unhappy with cabinet expanision. She may resign to her post.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more