అయోధ్య నదీతీరాన శ్రీరాముడి భారీ విగ్రహం ఏర్పాటు, యోగి ప్రభుత్వం ప్రణాళికలు

Posted By:
Subscribe to Oneindia Telugu

ఉత్తరప్రదేశ్‌: ప్రముఖ పుణ్యక్షేత్రమైన అయోధ్యలో భారీ శ్రీరాముడి విగ్రహాన్ని ఏర్పాటు చేసేందుకు యోగి ఆదిత్యనాథ్‌ ప్రభుత్వం ప్రణాళికలు సిద్ధం చేస్తోంది. రాష్ట్రంలో టూరిజాన్ని అభివృద్ధి చేసే క్రమంలోనే ఈ నిర్ణయాన్ని తీసుకున్నట్లు ప్రభుత్వాధికారులు వెల్లడించారు.

'అయోధ్యలో ప్రవహిస్తోన్న సరయు నది పరివాహక ప్రాంతంలో శ్రీరామచంద్ర మూర్తి భారీ విగ్రహాన్ని నిర్మించేందుకు ప్రభుత్వం చర్యలు చేపడుతోంది. ఇండోనేషియాలో బాలీ నది ఒడ్డున ఎన్నో విగ్రహాలు పర్యాటకులను విశేషంగా ఆకట్టుకుంటున్నాయి. ఆ ఆలోచన అందరికీ నచ్చడంతో అదే థీమ్‌ను ఇక్కడ ఏర్పాటు చేయాలని యూపీ మంత్రి వర్గం నిర్ణయించింది. ఇందులో భాగంగానే మొదట రాముని విగ్రహాన్ని నిర్మిస్తాం' అని రాష్ట్ర పర్యాటక ప్రతినిధి అవనీశ్‌ తెలిపారు.

Yogi Adityanath Plans Big Lord Ram Statue On Ayodhya River Bank

అయితే విగ్రహం ఎంత ఎత్తు ఉండాలన్న విషయమై ఇంకా చర్చించాల్సి ఉందని, 100 మీటర్లు అంటూ మీడియాలో వస్తోన్న వార్తల్లో నిజం లేదని ఆయన చెప్పారు.

'హిందువులకు అయోధ్య ఎంతో పవిత్రమైన స్థలం. దీపావళికి ముందు రోజు ప్రభుత్వం తరఫున ఇక్కడ ఓ ప్రత్యేక కార్యక్రమం నిర్వహించాలనుకున్నాం. అందుకు ఏర్పాట్లు కూడా ఇప్పటికే ప్రారంభమయ్యాయి. ఆ రోజు సరయు ఒడ్డున హారతి నిర్వహించాలని అనుకుంటున్నాం. ముఖ్యమంత్రి యోగి ఆదిత్యనాథ్‌ కూడా ఈ కార్యక్రమానికి హాజరవుతారు..' అని పర్యాటక ప్రతినిధి అవనీశ్‌ వెల్లడించారు.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
The Yogi Adityanath government in Uttar Pradesh has proposed building a big statue of Lord Ram on the banks of the Saryu river in the temple town of Ayodhya, not far from the disputed Ram Janmabhoomi - Babri Masjid site. Sources said the height of the statue will be imposing, but refused to confirm reports that it could be 100 metres tall. The proposal, made to the state governor, said officials, is part of a plan to boost religious tourism in Uttar Pradesh, a key focus area for Chief Minister Yogi Adityanath since he took over seven months ago after his party, the BJP swept the UP assembly elections.
Please Wait while comments are loading...