అవును.. ఆ తప్పు చేశాను, క్షమించండి: హిల్లరీ

వాషింగ్టన్: అమెరికా అధ్యక్ష అభ్యర్థి హిల్లరీ క్లింటన్ తన తప్పును అంగీకరించారు. దానికి తాను క్షమాపణ చెబుతున్నట్లు చెప్పారు. విదేశాంగ శాఖ మంత్రిగా ఉన్నప్పుడు తాను తన నివాసంలోని ప్రయివేటు ఈ మెయిల్ సర్వర్‌ను వినియోగించానని చెప్పారు.

అది తన తప్పేనని చెప్పారు. తన తప్పును అంగీకరిస్తున్నానని, దానికి క్షమాపణ చెబుతున్నానని హిల్లరీ క్లింటన్ అన్నారు. దానికి తనదే పూర్తి బాధ్యత అన్నారు. ఆమె ఓ న్యూస్ ఛానల్‌కు ఇచ్చిన ఇంటర్వ్యూలో పై మాట్లాడారు.

వివాదాస్పద ఈ మెయిల్ వ్యవస్థ ఏర్పాటు చేసుకోవడం పైన అప్పట్లో హిల్లరీ క్లింటన్ పైన తీవ్రస్థాయిలో విమర్శలు వచ్చాయి. అయినప్పటికీ ఆ ఘటన పైన క్షమాపణలు చెప్పేందుకు ఆమె నిరాకరించారు. ప్రభుత్వం అనుమతి మేరకు ప్రయివేటు ఈ మెయిల్ ఏర్పాటు చేసుకున్నట్లు తెలిపారు.

కాగా, 2016 అమెరికా అధ్యక్ష ఎన్నికల్లో డెమోక్రటిక్ అభ్యర్థి తరఫున బరిలో నిలిచేందుకు హిల్లరీ క్లింటన్ ముందంజలో ఉన్నారు. తన పైన ఉన్న మచ్చను తొలగించుకునేందుకు ఆమె తప్పును అంగీకరించి, క్షమాపణలు చెప్పారు.

English summary

Democratic presidential front runner Hillary Clinton said Tuesday she is sorry for using a private email server, going further than ever before to express remorse for the controversy that has rocked her campaign.