పెద్దలనాటి 'చద్దన్నం'.. సమ్మర్ లో ఇలా టేస్టీగా..

ఇటీవల గ్యాస్ సంక్షోభం తలెత్తిన నేపథ్యంలో చాలామంది టిఫిన్స్ చేసుకోవడం బాగా తగ్గించేశారు. మరికొంతమంది వేసవి కారణంగా నూనె వంటకాలకు దూరంగా ఉంటున్నారు. ఇంకొంతమంది ఆరోగ్యకరమైన ఆహారాన్ని తీసుకునేందుకు ఇష్ట పడుతున్నారు. అయితే పాతకాలంలో పెద్దలు తిన్న ఆరోగ్యమైన చద్దన్నం.. ఇప్పుడు ట్రెండ్ అవుతోంది. ప్రస్తుతం మారుతున్న జీవనశైలి కారణంగా పాతకాలం నాటి వంటలను తినేందుకు ప్రజలు ఆసక్తి చూపిస్తున్నారు. ఇప్పుడు అనేక ప్రాంతాల్లో చద్దన్నం స్టాల్స్ పెట్టి మరి ఈ వంటకాన్ని అమ్మేస్తున్నారు. అయితే మరి ఈ టేస్టీ, ఆరోగ్యకరమైన చద్దన్నాన్ని ఎలా తయారు చేసుకోవాలి..? కావాల్సిన పదార్థాలు ఏంటి..?

చద్దన్నం తయారీకి కావాల్సిన పదార్థాలు చూస్తే.. అన్నం తగినంత, వేడినీళ్లు, పాలు, మజ్జిగ, ఉల్లిపాయలు ఒకటి, పచ్చి మిర్చి తగినన్ని, ఉప్పు రుచికి సరిపడా తీసుకోవాలి. ఇక చద్దన్నం తయారీ విధానం చూస్తే.. ఇప్పుడు ఓ గిన్నెలో మెత్తగా ఉడికించిన అన్నం తీసుకోవాలి. అందులో వేడినీళ్లు పోయాలి. ఇప్పుడు మిక్సింగ్ చేసుకోవాలి. ఈ మిశ్రమంలో బాగా మరిగించిన పాలను పోసి కలుపుకోవాలి. ఇప్పుడు అన్నం మిశ్రమం వేడి తగ్గిన తర్వాత అందులో మజ్జిగ లేదా పెరుగును లూజ్ గా చేసి అందులో పోసి మిక్సింగ్ చేసుకోవాలి.

ఇప్పుడు ఆ మిశ్రమంలో ఉల్లిపాయను ముక్కలుగా కట్ చేసి ఆ మిశ్రమంలో కలిపేసుకోవాలి. దాంతోపాటు పచ్చిమిర్చి కట్ చేసి కలుపుకోవాలి. ఇప్పుడు ఆ మిశ్రమంపై మూత పెట్టి రాత్రంతా అలా పక్కనపెట్టుకోవాలి. మట్టిపాత్ర అయితే మరింత ఆరోగ్య ప్రయోజకరం అని నిపుణులు చెబుతున్నారు. ఇప్పుడు అందులో రుచికి సరిపడా ఉప్పు వేసి బాగా కలిపి ప్లేట్ లోకి తీసుకుంటే చాలు.. ఎంతో టేస్టీ ప్రో బయోటిక్ చద్దన్నం రెడీ అయినట్టే..